ചെങ്ങന്നൂർ: റോഡിൽ നിന്ന യുവാവിനെ മുൻ വൈരാഗ്യം മൂലം തടഞ്ഞുനിർത്തി അസഭ്യം പറയുകയും മർദിക്കുകയും ഭീഷണിപ്പെടുത്തുകയും കൊല്ലാൻ ശ്രമിക്കുകയും ചെയ്ത കേസിലെ പ്രതി അറസ്റ്റിൽ.
ചെങ്ങന്നൂർ തിരുവൻവണ്ടൂർ ചന്ദ്രത്ത് വീട്ടിൽ നിതിൻ പി.മാത്യുവിനെ (30) ആണ് അറസ്റ്റ് ചെയ്തത്. ചെങ്ങന്നൂർ പൊലീസ് ആണ് അറസ്റ്റ് ചെയ്തത്.
തിരുവൻവണ്ടൂർ ഇലവുംപറമ്പിൽ വീട്ടിൽ ഷിക്കു കുര്യാക്കോസിനെയാണ് (29) ഇയാൾ ആക്രമിച്ചത്.
ചെങ്ങന്നൂർ പൊലീസ് സ്റ്റേഷനിൽ മറ്റു നാലുകേസുകളിൽകൂടി പ്രതിയാണ് അറസ്റ്റിലായ നിതിൻ പി.മാത്യുവെന്ന് പൊലീസ് പറഞ്ഞു. അറസ്റ്റ് ചെയ്ത പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.