18
Wednesday May 2022
Editorial

സംസ്ഥാന സര്‍ക്കാരും ഗവര്‍ണറും തമ്മിലുള്ള ഏറ്റുമുട്ടല്‍ രൂക്ഷമാവുകയാണ്. അതിനിടെ ഗവര്‍ണറും ഗവണ്‍മെന്‍റും തമ്മിലുള്ള ബന്ധത്തെക്കുറിച്ചും ഏറ്റുമുട്ടലിനെക്കുറിച്ചും പുതിയ വിവാദമുയര്‍ത്താന്‍ ഇടയാക്കുന്നതാണ് രമേശ് ചെന്നിത്തല ഉയര്‍ത്തുന്ന ചോദ്യങ്ങള്‍. ഗവര്‍ണറും ഗവണ്‍മെന്‍റും ചില പ്രതിസന്ധികളും – മുഖപ്രസംഗത്തില്‍ ജേക്കബ് ജോര്‍ജ്

ജേക്കബ് ജോര്‍ജ് - ചീഫ് എഡിറ്റര്‍
Friday, December 31, 2021

സംസ്ഥാന സര്‍ക്കാരും ഗവര്‍ണറും തമ്മിലുള്ള ഏറ്റുമുട്ടല്‍ രൂക്ഷമാവുകയാണ്. സര്‍വകലാശാലകളുടെ ചാന്‍സലര്‍ പദവി വഹിക്കാന്‍ ഇനി താനില്ലെന്ന നിലപാടില്‍ ഉറച്ചു നില്‍ക്കുകയാണ് ഗവര്‍ണര്‍ ആരിഫ് മുഹമ്മദ് ഖാന്‍. സര്‍വകലാശാലകളെ സംബന്ധിക്കുന്ന ഫലയുകളൊക്കെയും സര്‍ക്കാരിന് അയച്ചു കൊടുക്കുകയും ചെയ്തിരിക്കുന്നു അദ്ദേഹം.

കണ്ണൂര്‍ സര്‍വകലാശാലാ വൈസ് ചാന്‍സലറുടെ പുനര്‍ നിയമനം സംബന്ധിച്ച് ഹൈക്കോടതി മുമ്പാകെയുള്ള കേസില്‍ ഗവര്‍ണറുടെ ഓഫീസ് കൈപ്പറ്റിയ കോടതി നോട്ടീസും അദ്ദേഹം സര്‍ക്കാരിലേയ്ക്കയച്ചു കൊടുത്തിരിക്കുന്നു. താന്‍ എന്ന ചാന്‍സലര്‍ പദവി ഉപേക്ഷിച്ചിരിക്കുന്നുവെന്നതാണ് അദ്ദേഹത്തിന്‍റെ വാദം.

ഇക്കഴിഞ്ഞ നവംബര്‍ 23 -ാം തീയതിയാണ് കണ്ണൂര്‍ വി.സിയെ നിയമിച്ചുകൊണ്ട് ഗവര്‍ണര്‍ ഉത്തരവിട്ടത്. ഒരു സര്‍വകലാശാലയുടെ വി.സിയെ നിയമിക്കാന്‍ സര്‍ച്ച് കമ്മിറ്റി രൂപീകരിക്കുന്നതു മുതലുള്ള ഔദ്യോഗിക നടപടികള്‍ സ്വീകരിക്കാതെ ഉന്നത വിദ്യാഭ്യാസ മന്ത്രിയുടെ കത്ത് അടിസ്ഥാനമാക്കിയാണ് ഗവര്‍ണര്‍ ഉത്തരവിട്ടത്. ചാന്‍സലര്‍ പദവി ഒഴിയുകയാണെന്ന് ഈ മാസം എട്ടാം തീയതി അദ്ദേഹം പ്രഖ്യാപിക്കുകയും ചെയ്തു.

ഏറ്റവുമൊടുവിലിതാ മുന്‍ പ്രതിപക്ഷ നേതാവ് രമേശ് ചെന്നിത്തല പുതിയൊരു വിവാദമുയര്‍ത്തി മുന്നോട്ടു വന്നിരിക്കുന്നു. രാഷ്ട്രപതി രാംനാഥ് കോവിന്ദിന് ഓണററി ഡി.ലിറ്റ് ബിരുദം നല്‍കാന്‍ നിര്‍ദേശിച്ച് ഗവര്‍ണര്‍ ആരിഫ് മുഹമ്മദ് ഖാന്‍ കേരള സര്‍വകലാശാലാ വൈസ് ചാന്‍സലര്‍ക്കു കത്തയച്ചിരുന്നോ എന്നാണ് രമേശ് ചെന്നിത്തല സര്‍ക്കാരിനോടു ചോദിക്കുന്നത്.

ഗവര്‍ണറും ഗവണ്‍മെന്‍റും തമ്മിലുള്ള ബന്ധത്തെക്കുറിച്ചും ഏറ്റുമുട്ടലിനെക്കുറിച്ചും പുതിയ വിവാദമുയര്‍ത്താന്‍ ഇടയാക്കുന്നതാണ് രമേശ് ചെന്നിത്തല ഉയര്‍ത്തുന്ന ചോദ്യങ്ങള്‍. ഗവര്‍ണറുടെ നിര്‍ദേശ പ്രകാരം രാഷ്ട്രപതിക്കു ഓണററി ഡി.ലിറ്റ് ബിരുദം നല്‍കാന്‍ വി.സി സംസ്ഥാന സര്‍ക്കാരിനോട് അനുമതി ചോദിച്ചിരുന്നുവോ എന്നതാണ് അടുത്ത ചോദ്യം. അനുമതി നിഷേധിച്ചുകൊണ്ട് സര്‍ക്കാര്‍ മറുപടി നല്‍കിയോ, അതിന്‍ പ്രകാരം ഗവര്‍ണറുടെ നിര്‍ദേശം വൈസ് ചാന്‍സലര്‍ നിരാകരിച്ചോ എന്നിങ്ങനെ രമേശ് ചെന്നിത്തലയുടെ ചോദ്യങ്ങള്‍. എല്ലാംകൂടി ചോദ്യങ്ങള്‍ ആറ്.

രമേശ് ഉന്നയിക്കുന്ന വിഷയം അത്ര ചില്ലറ കാര്യമല്ല തന്നെ. ഇന്ത്യന്‍ രാഷ്ട്രപതിക്ക് കേരള സര്‍വകലാശാല ഒരു ഡി. ലിറ്റ് ബിരുദം നല്‍കാന്‍ തീരുമാനിക്കുന്നതു മനസിലാക്കാം. കേന്ദ്രം ഭരിക്കുന്നതു ബി.ജെ.പിയാണെന്നതും രാഷ്ട്രപതി രാംനാഥ് കോവിന്ദ് ബി.ജെ.പി സര്‍ക്കാരിന്‍റെ നോമിനിയാണെന്നതും ഒരു തടസമായി കാണേണ്ടതില്ല. കുറെ ദിവസം മുമ്പ് സംസ്ഥാനം സന്ദര്‍ശിച്ച രാഷ്ട്രപതി കേരളം പല കാര്യങ്ങളിലും മുന്‍പന്തിയിലാണെന്നു പ്രകീര്‍ത്തിക്കുകയും ചെയ്തു.

വിഷയം അതല്ല. രാഷ്ട്രപതിക്കു ഡി.ലിറ്റ് ബിരുദം നല്‍കാന്‍ ഗവര്‍ണര്‍ നേരിട്ടു സര്‍വകലാശാലയ്ക്കു നിര്‍ദേശം നല്‍കുന്നതു ഭംഗിയോ ? സര്‍വകലാശാലയുടെ ചാന്‍സലറാണ് ഗവര്‍ണര്‍. കേരള സര്‍ക്കാര്‍ നിയമസഭയില്‍ അനതരിപ്പിച്ചു ചര്‍ച്ച ചെയ്തു പാസാക്കുന്ന നിയമത്തിന്‍റെ അടിസ്ഥാനത്തിലാണ് സര്‍വകലാശാല രൂപം കൊള്ളുന്നത്.

ചാന്‍സലര്‍ എന്ന നിലയ്ക്ക് ഗവര്‍ണര്‍ സര്‍വകലാശാലയുടെ ഭാഗമാണ്. ഗവര്‍ണര്‍ സര്‍ക്കാരിന്‍റെ തന്നെയും ഭാഗമാണ്. ‘എന്‍റെ ഗവണ്‍മെന്‍റ് ‘ എന്നാണ് എല്ലാ വര്‍ഷവും ആദ്യത്തെ സമ്മേളനത്തിന്‍റെ ആദ്യ ദിവസം ഗവര്‍ണര്‍ അവതരിപ്പിക്കുന്ന നയപ്രഖ്യാപന പ്രസംഗത്തില്‍ ഗവര്‍ണര്‍ തന്നെ വിശേഷിപ്പിക്കാറ്.

എങ്കിലും ഇതില്‍ ഭരണഘടനാപരമായ പല വിഷയങ്ങളും ഉള്‍ക്കൊള്ളുന്നു. സംസ്ഥാന സര്‍ക്കാര്‍ ജനങ്ങള്‍ തെരഞ്ഞെടുക്കുന്ന ഒരു സംവിധാനമാണ്. ജനാധിപത്യ പ്രക്രിയയുടെ ഭാഗം. ഇങ്ങനെ തെരഞ്ഞെടുക്കപ്പെടുന്ന സര്‍ക്കാരിന് അതിന്‍റേതായ അവകാശങ്ങളും അധികാരങ്ങളുമുണ്ട്. അതിന്‍റേതായ രാഷ്ട്രീയമുണ്ട്.

നിലവിലെ രാഷ്ട്രീയ പശ്ചാത്തലം നോക്കുമ്പോള്‍ ഗവര്‍ണറുടെ നിര്‍ദേശത്തില്‍ സര്‍വകലാശാലാ നേതൃത്വത്തിനും സര്‍ക്കാരിനും ചില സംശയങ്ങള്‍ ഉണ്ടായിക്കാണും. കേരളത്തിലെ ഒരു സര്‍വകലാശാല ഇന്ത്യന്‍ രാഷ്ട്രപതിക്ക് ഡി.ലിറ്റ് കൊടുക്കുകയും അതു സംസ്ഥാന സര്‍ക്കാര്‍ അറിയാതെയാണെന്നു വരികയും ചെയ്താലുണ്ടാകുന്ന സ്ഥിതിവിശേഷം ഗുരുതരമാകും തീര്‍ച്ച.

കണ്ണൂര്‍ സര്‍വകലാശാലാ വൈസ് ചാന്‍സലറുടെ നിയമന കാര്യത്തിലും ഇതേ സംശയമുണ്ട്. ഉന്നത വിദ്യാഭ്യാസ മന്ത്രി ആര്‍ ബിന്ദുവിന്‍റെ കത്തനുസരിച്ചാണ് ഗവര്‍ണര്‍ വി.സിയെ നിയമിച്ചത്. ഒരു ഘട്ടത്തിലും ഗവര്‍ണര്‍ മന്ത്രിയുടെ കത്തിനെപ്പറ്റി വിരുദ്ധാഭിപ്രായം പറഞ്ഞില്ല. പൂര്‍ണ തൃപ്തിയോടെ തന്നെയാണ് വൈസ് ചാന്‍സലറെ ഗവര്‍ണര്‍ നിയമിച്ചതെന്നു സാരം.

ഇപ്പോള്‍ ഗവര്‍ണര്‍ പറയുന്നു അദ്ദേഹം ചാന്‍സലര്‍ അല്ലെന്ന്. ചാന്‍സലര്‍ സ്ഥാനം സര്‍ക്കാരിനു മടക്കി നല്‍കിയെന്ന്.

കേരള നിയമസഭ പാസാക്കിയ നിയമ പ്രകാരമാണ് ചാന്‍സലര്‍ പദവി ഗവര്‍ണറുടെ കൈയിലെത്തിയത്. അതില്‍ എന്തെങ്കിലും മാറ്റം വരുത്തണമെങ്കില്‍ നിയമസഭ തന്നെ തീരുമാനമെടുക്കണം. കൈയിലിരുന്ന ചാന്‍സലര്‍ പദവി സര്‍ക്കാരിനു തിരിച്ചു കൊടുത്തുവെന്ന് ഗവര്‍ണര്‍ ഒരു പ്രസ്താവന നടത്തിയെന്നു കരുതി ചാന്‍സലര്‍ പദവി ഗവര്‍ണറുടെ കൈയില്‍ നിന്നു സര്‍ക്കാരിലേയ്ക്കു പോവില്ല.

വലിയ നിയമ പ്രശ്നങ്ങളിലേയ്ക്കാണു കാര്യങ്ങള്‍ നീങ്ങുന്നത്. കണ്ണൂര്‍ വി.സി നിയമനം ഹൈക്കോടതിയില്‍ വരുമ്പോള്‍ ഇതു സംബന്ധിച്ച നയമങ്ങള്‍ സൂഷ്മമായി പരിശോധിക്കപ്പെടും. എങ്കിലും രാഷ്ട്രപതിക്കു ഡി. ലിറ്റ് ബിരുദം നല്‍കണമെന്ന ഗവര്‍ണറുടെ നിര്‍ദേശത്തെപ്പറ്റി രമേശ് ചെന്നിത്തല ഉന്നയിക്കുന്ന ചോദ്യങ്ങള്‍ പുതിയ വിവാദങ്ങള്‍ ഉയര്‍ത്തുകയാണ്.

ഗവര്‍ണറും ഗവണ്‍മെന്‍റും എന്തുത്തരം നല്‍കും ?

More News

കുവൈറ്റ് സിറ്റി: കുവൈറ്റിലെ ഇന്ത്യന്‍ എംബസി ഓപ്പണ്‍ ഹൗസ് സംഘടിപ്പിച്ചു. സ്ഥാനപതി സിബി ജോര്‍ജ് നേതൃത്വം നല്‍കി. അടുത്ത ഓപ്പണ്‍ ഹൗസ് മെയ് 25ന് രാവിലെ 11ന് നടക്കും. ബിഎല്‍എസ് പാസ്‌പോര്‍ട്ട് ഔട്ട്‌സോഴ്‌സിംഗ് സെന്ററില്‍ വച്ചാണ് ഇത് നടത്തുന്നത്. കുവൈറ്റിലെ എല്ലാ ഇന്ത്യക്കാര്‍ക്കും പങ്കെടുക്കാം.

കോഴിക്കോട്: കൂളിമാട് പാലത്തിന്റെ കോണ്‍ക്രീറ്റ് ബീമുകള്‍ തകര്‍ന്നുവീണ സംഭവത്തില്‍ വിശദീകരണവുമായി കിഫ്ബി. ഫെയ്‌സ്ബുക്ക് കുറിപ്പിലൂടെയാണ് വിശദീകരണം. ഗര്‍ഡറുകള്‍ തകര്‍ന്നുവീഴാന്‍ കാരണം ഹൈഡ്രോളിക് ജാക്കികളുടെ യന്ത്രത്തകരാറാണെന്നും ഗര്‍ഡറുകള്‍ ഉറപ്പുള്ളതാണെന്നും കിഫ്ബി പറയുന്നു. ഫേസ്ബുക്ക് പോസ്റ്റ്: കോഴിക്കോട് ജില്ലയിലെ കുന്ദമംഗലം അസംബ്ലി നിയോജകമണ്ഡലത്തിൽ ചാലിയാർ പുഴയ്ക്ക് കുറുകെയുള്ള കൂളിമാട് പാലത്തിന്റെ നിർമാണവേളയിൽ ഗർഡറുകൾ വീണുണ്ടായ അപകടത്തിന്റെ കാരണങ്ങൾ വിശദമാക്കാനാണ് ഈ കുറിപ്പ്. നിർമാണത്തിൽ ഉപയോഗിച്ച ഏതെങ്കിലും വസ്തുക്കളുടെ ഗുണനിലവാരത്തിലോ നടപടിക്രമങ്ങളിൽ ഉണ്ടായ വീഴ്ചകളുടെയോ ഫലമല്ല അപകടം എന്നാണ് പ്രാഥമികകാന്വേഷണത്തിൽ മനസിലായിട്ടുള്ളത്. […]

തൃശൂര്‍: ബോബി ചെമ്മണ്ണൂര്‍ വേഷം മാറിയ തൃശൂര്‍ പൂരത്തിന് പോയ വീഡിയോ സോഷ്യല്‍ മീഡിയയില്‍ വൈറലായിരുന്നു. ഇപ്പോഴിതാ തന്റെ മേക്കോവര്‍ വീഡിയോ ബോബി ചെമ്മണ്ണൂര്‍ തന്റെ ഔദ്യോഗിക ഫേസ്ബുക്ക് പേജിലൂടെ പുറത്തുവിട്ടു. ഒപ്പം, താന്‍ വേഷം മാറിയതിന്റെ ലക്ഷ്യവും അദ്ദേഹം പങ്കുവച്ചു. താന്‍ സ്‌കൂളിലും കോളേജിലുമൊക്കെ പഠിക്കുന്ന സമയത്ത് തൃശൂര്‍ പൂരത്തിന് രാവിലെ ആറു മണിക്ക് വീട്ടില്‍ നിന്നിറങ്ങുമായിരുന്നുവെന്ന് അദ്ദേഹം പറഞ്ഞു. പഴയതുപോലെ പുറത്തിറങ്ങുമ്പോള്‍ സ്വാതന്ത്ര്യത്തോടെ പലതും ചെയ്യാന്‍ പറ്റുന്നില്ല. ആരും ശ്രദ്ധിക്കാതെ പഴയതുപോലെ പൂരം ആസ്വദിക്കുന്നതിനാണ് […]

കൊച്ചി: നവി ടെക്നോളജീസ് ലിമിറ്റഡിന്‍റെ ഉപകമ്പനിയായ നവി ഫിന്‍സെര്‍വ് ലിമിറ്റഡിന്‍റെ ഓഹരിയാക്കി മാറ്റാന്‍ സാധിക്കാത്ത കടപ്പത്രം (എന്‍സിഡി) വഴി 600 കോടി രൂപ സ്വരൂപിക്കും. മുന്നൂറു കോടി രൂപയുടെ അധിക സബ്സിക്രിപ്ഷന്‍ ഉള്‍പ്പെടെയാണിത്. ഇഷ്യു മേയ് 23-ന് ആരംഭിച്ച് ജൂണ്‍ പത്തിന് അവസാനിക്കും. ഇന്ത്യ റേറ്റിംഗ്സ് ആന്‍ഡ് റിസര്‍ച്ച് പ്രൈവറ്റ് ലിമിറ്റഡിന്‍റെ എ സ്റ്റേബിള്‍ റേറ്റിംഗ് ഉള്ള കടപ്പത്രത്തിന് 9.80 ശതമാനം വരെ വരുമാനം ലഭിക്കും. 18 മാസം, 27 മാസം കാലാവധിയില്‍ നിക്ഷേപം നടത്തുവാന്‍ അവസരമുണ്ട്. […]

കൊച്ചി: പൊതുമേഖലാ ലൈഫ് ഇന്‍ഷുറന്‍സ് കമ്പനിയായ ലൈഫ് ഇന്‍ഷുറന്‍സ് കോര്‍പറേഷന്‍ ഓഫ് ഇന്ത്യയുടെ ഓഹരികള്‍ എന്‍എസ്ഇയിലും ബിഎസ്ഇയിലും ലിസ്റ്റ് ചെയ്തു. ഓഹരിയുടെ ഇഷ്യു നിരക്കായ 949 രൂപയില്‍ 8.11 ശതമാനം ഡിസ്‌കൗണ്ടോടെ 872 രൂപ നിരക്കിലാണ് എന്‍എസ്ഇയില്‍ എല്‍ഐസി ഓഹരി ലിസ്റ്റ് ചെയ്തത്. 8.62 ശതമാനം ഡിസ്‌കൗണ്ടോടെ 867.20 രൂപ നിരക്കില്‍ ബിഎസ്ഇയിലും ലിസ്റ്റ് ചെയ്തു. ആദ്യ ദിവസം ബിഎസ്ഇയില്‍ ഓഹരി വില 875.45 രൂപയിലാണ് ക്ലോസ് ചെയ്തത്. എന്‍എസ്ഇയില്‍ 875.25  രൂപ നിരക്കിലും ക്ലോസ് ചെയ്തു. […]

ജിദ്ദ: വിശുദ്ധ ഖുർആനെഴുത്ത് കലയിൽ രാജ്യാന്തര മത്സരം വരുന്നു. അറബിക് കാലിഗ്രഫിക് രീതിയിലെ നൂതന എഴുത്ത് കലയിലൂടെ വിശുദ്ധ ഗ്രന്ഥം (മുസ്ഹഫ്) അവതരിപ്പിക്കാൻ ഈ രംഗത്ത് ചാതുര്യമുള്ളവർക്ക് അവസരം നൽകുകയാണ് സൗദി അറേബ്യ ഈ മത്സരത്തിലൂടെയെന്ന് ഇക്കാര്യം വെളിപ്പെടുത്തിയ പ്രസ്താവന ചൂണ്ടിക്കാട്ടി. വിശുദ്ധ ഗ്രന്ഥം അവതരിച്ച നാട്ടിൽ അതിനെ അടിസ്ഥാനമാക്കിയുള്ള മറ്റൊരു ലോകോത്തര സംഭവം കൂടിയാകും സൗദി അറേബ്യ സംഘടിപ്പിക്കുന്ന ഖുർആനെഴുത്ത് മത്സരം. അടുത്ത വർഷം ഫെബ്രുവരി (ശഅബാൻ) യിലായിരിക്കും മത്സരം. സൗദി രാഷ്ട്ര സ്ഥാപകൻ “കിംഗ് […]

കുവൈറ്റ്സിറ്റി : ഫുട്ബോൾ ലോകകപ്പിന് സ്വാഗതമേകി കേരള ആർട്ട് ലവേഴ്സ് അസോസിയേഷൻ കല കുവൈറ്റ് അബുഹലിഫ മേഖലാ കമ്മിറ്റി സംഘടിപ്പിച്ച പെനാൽറ്റി ഷൂട്ടൗട്ട്‌ മേള‌യിൽ മംഗഫ്‌ ഡി യൂണിറ്റ്‌ ജേതാക്കളായി. വാശിയേറിയ ഫൈനൽ മൽസരത്തിൽ മംഗഫ്‌ യൂണിറ്റ്‌ ടീമിനെ പരാജയപെടുത്തിയാണ്‌ മംഗഫ്‌ ഡി യൂണിറ്റ്‌ ജേതാക്കളായത്‌. അബുഹലിഫ അറബിക് സ്കൂൾ ഗ്രൗണ്ടിൽ വെച്ച് സംഘടിപ്പിച്ച മേളയിൽ വിവിധ മേഖലയിലെ യൂണിറ്റുകളെ പ്രതിനിധീകരിച്ചു കൊണ്ട് 32 ടീമുകൾ മാറ്റുരച്ചു. മംഗഫ്‌ ടീമിലെ നഫീൽ മികച്ച ഗോൾ കീപ്പറായി തെരഞ്ഞെടുക്കപ്പെട്ടു. […]

മുംബൈ: ഐപിഎല്ലില്‍ ഇന്ന് നടന്ന മത്സരത്തില്‍ ലഖ്‌നൗ സൂപ്പര്‍ ജയന്റ്‌സ് കൊല്‍ക്കത്ത നൈറ്റ് റൈഡേഴ്‌സിനെ രണ്ട് റണ്‍സിന് തോല്‍പിച്ചു. ഇതോടെ ലഖ്‌നൗ പ്ലേ ഓഫില്‍ പ്രവേശിച്ചു. കൊല്‍ക്കത്ത പുറത്തായി. ആദ്യം ബാറ്റു ചെയ്ത ലഖ്‌നൗ 20 ഓവറില്‍ വിക്കറ്റ് നഷ്ടപ്പെടാതെ 210 റണ്‍സെടുത്തു. ക്വിന്റോണ്‍ ഡി കോക്ക് (70 പന്തില്‍ 140), കെ.എല്‍. രാഹുല്‍ (51 പന്തില്‍ 68) എന്നിവരുടെ പ്രകടനമാണ് ലഖ്‌നൗവിനെ മികച്ച സ്‌കോറിലെത്തിച്ചത്. 29 പന്തില്‍ 50 റണ്‍സെടുത്ത ശ്രേയസ് അയ്യരാണ് കൊല്‍ക്കത്തയുടെ ടോപ് […]

കൊന്നത്തടി∙ കാന്‍സര്‍ ബാധിച്ചതിനെ തുടര്‍ന്ന് ചികിത്സ നടത്താന്‍ പണമില്ലാതെ സുമനസുകളുടെ സഹായം തേടുകയാണ് കൊന്നത്തടി മുള്ളേരിക്കുടി ധന്യാഭവനില്‍ തങ്കമ്മ എന്ന വീട്ടമ്മ. കൂലിപണിക്കു പോയി കുടുംബം പുലര്‍ത്തിയിരുന്ന തങ്കമ്മ 2016 മുതല്‍ കടുത്ത നടുവേദനയെ തുടര്‍ന്ന് വിവിധ ആശുപത്രികളില്‍ ചികിത്സ തേടിയിരുന്നു. ഒരു വര്‍ഷം കഴിഞ്ഞാണ് തങ്കമ്മക്ക് നട്ടെല്ലില്‍ ക്യാന്‍സര്‍ ആണെന്ന് തിരിച്ചറിയുന്നത്. തുടര്‍ന്ന് കോട്ടയം മെഡിക്കല്‍ കോളജില്‍ ചികിത്സ തുടങ്ങി. നട്ടെല്ല് പൊടിഞ്ഞു പോകുന്ന രോഗാവസ്ഥയാണ് തങ്കമ്മയ്ക്കെന്ന് ഡോക്ടര്‍മാര്‍ പറയുന്നു. മകന്റെ പേരിലുള്ള വീടും സ്ഥലവും […]

error: Content is protected !!