ഭൂകമ്പത്തില്‍ കുലുങ്ങി ആശുപത്രി കെട്ടിടം, നവജാതശിശുക്കളെ ചേര്‍ത്തുപിടിച്ച് നഴ്‌സുമാര്‍-വീഡിയോ വൈറല്‍

ഇസ്താംബുള്‍: ഭൂകമ്പത്തില്‍ ആശുപത്രി കെട്ടിടം കുലുങ്ങുമ്പോഴും നവജാതശിശുക്കളെ സംരക്ഷിക്കാന്‍ നഴ്‌സുമാര്‍ ശ്രമിക്കുന്നതിന്റെ വീഡിയോ ദൃശ്യങ്ങള്‍ ഹൃദയങ്ങള്‍ കീഴടക്കുന്നു. തുര്‍ക്കിയിലെ ഗാസിയാൻടൈപ്പ് ആശുപത്രിയിലെ സിസിടിവി ദൃശ്യങ്ങളാണ് പുറത്തുവന്നത്.

കെട്ടിടം കുലുങ്ങി വിറച്ചപ്പോള്‍ നവജാതശിശുക്കളെ പരിചരിക്കുന്ന യൂണിറ്റിലേക്ക് 2 നഴ്സുമാർ ഓടിയെത്തുകയായിരുന്നു. ഭൂകമ്പത്തിൽ കുലുങ്ങുന്ന ബേബി ഇൻകുബേറ്ററുകൾ താഴെ വീഴാതെ ഇരുകൈകളും കൊണ്ട് മുറുകെ പിടിച്ചുനിന്നു. ഭൂകമ്പം അവസാനിക്കുന്നത് വരെ അവര്‍ കുരുന്നുകളെ സംരക്ഷിച്ചു.

Sağlıkçılarımız şahane insanlar👏#GaziantepBüyükşehir İnayet Topçuoğlu Hastanemiz yenidoğan yoğun bakım ünitesinde, 7.7'lik #deprem esnasında minik bebekleri korumak için Hemşire Devlet Nizam ve Gazel Çalışkan tarafından gösterilen gayreti anlatacak kelime var mı?



🌹🌼💐👏👏👏 pic.twitter.com/iAtItDlOwb

— Fatma Şahin (@FatmaSahin) February 11, 2023

ഡെവ്ലറ്റ് നിസാം, ഗാസ്വൽ കാലിസ്കൻ എന്നീ നഴ്സുമാരാണ് കുഞ്ഞുങ്ങളെ സുരക്ഷിതരാക്കിയതെന്ന് തുർക്കിയിലെ രാഷ്ട്രീയ നേതാവ് ഫാത്മ സാഹിൻ വെളിപ്പെടുത്തി.