ചില കനേഡിയന് നയതന്ത്രജ്ഞര്ക്ക് സോഷ്യല് മീഡിയ പ്ലാറ്റ്ഫോമുകളിലൂടെ ഭീഷണികള് ലഭിച്ചെന്ന് ഇന്ത്യയിലെ കനേഡിയന് ഹൈക്കമ്മീഷന്. രാജ്യത്തെ ജീവനക്കാരുടെ പ്രവര്ത്തനം നിയന്ത്രിക്കാന് തീരുമാനിച്ചതായും കനേഡിയന് നയതന്ത്രജ്ഞര്ക്കും കോണ്സുലര് ഓഫീസര്മാര്ക്കും ഇന്ത്യ സുരക്ഷ ഒരുക്കുമെന്ന് പ്രതീക്ഷിക്കുന്നതായും ഹൈക്കമ്മീഷന് പറഞ്ഞു.
ഖാലിസ്ഥാനി ഭീകരന് ഹര്ദീപ് സിംഗ് നിജ്ജാറിന്റെ കൊലപാതകവും ഇന്ത്യന് സര്ക്കാരിന്റെ ഏജന്റുമാരും തമ്മില് ബന്ധമുണ്ടെന്ന ആരോപണത്തെച്ചൊല്ലി ഇന്ത്യയും കാനഡയും തമ്മിലുള്ള നയതന്ത്ര പ്രതിസന്ധിക്കിടെയാണ് ഈ പ്രതികരണം.
ഹൈക്കമ്മീഷനും ഇന്ത്യയിലെ എല്ലാ കോണ്സുലേറ്റുകളും തുറന്ന് പ്രവര്ത്തിക്കുകയും ആളുകള്ക്ക് സേവനം നല്കുകയും ചെയ്യും. 'ഏത് സംഭവങ്ങളോടും പ്രതികരിക്കുന്നതിന് കര്ശനമായ സുരക്ഷാ പ്രോട്ടോക്കോള് പാലിക്കുന്നതിനാല്, ഞങ്ങളുടെ ദൗത്യങ്ങളുടെയും ഉദ്യോഗസ്ഥരുടെയും സുരക്ഷ ഗ്ലോബല് അഫയേഴ്സ് കാനഡ തുടര്ച്ചയായി നിരീക്ഷിക്കുന്നുണ്ട്' ഹൈക്കമ്മീഷന് പറഞ്ഞു.
'സംഘര്ഷങ്ങള് വര്ധിച്ചിരിക്കുന്ന സാഹചര്യത്തില്, നയതന്ത്രജ്ഞരുടെ സുരക്ഷ ഉറപ്പാക്കാന് ഞങ്ങള് നടപടിയെടുക്കുന്നു. ചില നയതന്ത്രജ്ഞര്ക്ക് വിവിധ സോഷ്യല് മീഡിയ പ്ലാറ്റ്ഫോമുകളില് ഭീഷണികള് ലഭിച്ച സാഹചര്യത്തില്, ഗ്ലോബല് അഫയേഴ്സ് കാനഡ ഇന്ത്യയിലെ ജീവനക്കാരുടെ സുരക്ഷ വിലയിരുത്തുന്നു. മുന്കരുതലുകളുടെ ഫലമായി ഇന്ത്യയിലെ ജീവനക്കാരുടെ സാന്നിധ്യം താല്ക്കാലികമായി ക്രമീകരിക്കാന് ഞങ്ങള് തീരുമാനിച്ചുവെന്നും ഹൈക്കമ്മീഷന് അറിയിച്ചു.
പ്രാദേശികമായി ഏര്പ്പെട്ടിരിക്കുന്ന സ്റ്റാഫ് ഉള്പ്പെടെയുള്ള കനേഡിയന് ഉദ്യോഗസ്ഥരുടെ ആരോഗ്യവും സുരക്ഷയും സംരക്ഷിക്കുന്നതിനും ഇന്ത്യയിലെ അവരുടെ പ്രവര്ത്തനങ്ങള് സുഗമമായി നടക്കുന്നതിനും ഗ്ലോബല് അഫയേഴ്സ് കാനഡ ഉചിതമായ എല്ലാ നടപടികളും സ്വീകരിക്കുമെന്ന് ഹൈക്കമ്മീഷന് അറിയിച്ചു.
ജീവനക്കാരന്റെ പ്രൊഫഷണല് പ്രൊഫൈല് വ്യക്തിഗത സാഹചര്യങ്ങള് എന്നിവ ഉള്പ്പെടെ നിരവധി ഘടകങ്ങളെ അടിസ്ഥാനമാക്കിയാണ് ഇതിനായുളള തീരുമാനങ്ങള് എടുക്കുകയെന്നും അവര് അതില് പറയുന്നു. വിയന്ന കണ്വെന്ഷനുകള്ക്ക് കീഴിലുള്ള കരാറുകളുടെ പശ്ചാത്തലത്തില്, ഞങ്ങള് ഇവിടെ നിലനില്ക്കുന്നതുപോല, ഞങ്ങളുടെ നയതന്ത്രജ്ഞര്ക്കും കോണ്സുലര് ഓഫീസര്മാര്ക്കും ഇന്ത്യ സുരക്ഷ നല്കുമെന്ന് പ്രതീക്ഷിക്കുന്നുവെന്നും ഹൈക്കമ്മീഷന് പറഞ്ഞു.