മലപ്പുറം: സ്വർണക്കടത്തു കേസിലെ പ്രതി സ്വപ്ന സുരേഷിന്റെ വെളിപ്പെടുത്തലിൽ മുൻ മന്ത്രി കെ.ടി.ജലീലിന്റെ പ്രതികരണത്തിന് മറുപടിയുമായി യൂത്ത് ലീഗ് സംസ്ഥാന ജനറൽ സെക്രട്ടറി പി.കെ.ഫിറോസ്. ഫേസ്ബുക്കിലൂടെയാണ് ഫിറോസിന്റെ പ്രതികരണം.
"ബാപ്പാനെ കുറ്റം പറയാൻ പറ്റില്ല. സന്തോഷ് ട്രോഫി ഫൈനലും പെരുന്നാൾ തലേന്നും ഒരുമിച്ച് വന്നാലും കോൺസുലേറ്റിൽ നിന്ന് വീട്ടിലേക്ക് 'ബിരിയാണിച്ചെമ്പ്' വരുന്ന ദിവസം ആരായാലും പുറത്ത് പോവില്ല''-ഫിറോസ് ഫേസ്ബുക്കില് കുറിച്ചു.
സ്വപ്ന സുരേഷ് എറണാകുളം ജില്ലാ കോടതിയിലെത്തി മൊഴി നല്കിയതിന് പിന്നാലെ പരോക്ഷ പരിഹാസവുമായി മുന്മന്ത്രി കെ.ടി.ജലീല് രംഗത്തെത്തിയിരുന്നു. ''സന്തോഷ് ട്രോഫി ഫൈനലും പെരുന്നാള് തലേന്നും ഒപ്പം വന്നിട്ട് വാപ്പ കളി കാണാന് പോയിട്ടില്ല. എന്നിട്ടല്ലേ ഇപ്പോ..'', എന്നാണ് അദ്ദേഹം പ്രതികരിച്ചത്.