ശ്രീനഗർ: ജമ്മു കശ്മീരിലെ അമർനാഥിൽ മേഘവിസ്ഫോടനത്തിൽ 15 പേർ മരിച്ചു. നാല്പ്പതോളം പേരെ കാണാനില്ല. മരണസംഖ്യ ഉയര്ന്നേക്കാമെന്നും റിപ്പോര്ട്ടുകളുണ്ട്. വെള്ളിയാഴ്ച വൈകിട്ട് അഞ്ചരയോടെയാണ് മേഘവിസ്ഫോടനം ഉണ്ടായത്.
മേഘവിസ്ഫോടനത്തെ തുടര്ന്ന് ക്ഷേത്രത്തിന് സമീപത്ത് തീര്ഥാടകര്ക്കായി സജ്ജീകരിച്ച കമ്മ്യൂണിറ്റി കിച്ചണ് സംവിധാനങ്ങളും ടെന്റുകളും തകര്ന്നു. അമര്നാഥിലേക്കുള്ള വഴി പൂര്ണമായും തടസ്സപ്പെട്ടിട്ടുണ്ട്. ഇതോടെ അമര്നാഥ് തീര്ഥാടനം താല്ക്കാലികമായി നിര്ത്തിവച്ചു.
പ്രധാനമന്ത്രി നരേന്ദ്ര മോദി ജമ്മുകശ്മീർ ലെഫ്. ഗവർണറോട് വിവരങ്ങൾ തേടി. പത്തുപേരുടെ മരണത്തില് പ്രധാനമന്ത്രി അനുശോചിച്ചു. സാധ്യമായ എല്ലാ സജ്ജീകരണങ്ങളും ഉറപ്പാക്കുമെന്നും പ്രധാനമന്ത്രി അറിയിച്ചു. അപകടത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്.