ഓട്ടോ റിക്ഷയിൽ കറങ്ങി മദ്യവിൽപ്പന; കുപ്പികൾ സൂക്ഷിക്കാൻ പ്രത്യേക അറ, തിരുവനന്തപുരത്ത് രണ്ട് പേർ അറസ്റ്റിൽ

തിരുവനന്തപുരം: ഓട്ടോ റിക്ഷയിൽ കറങ്ങി മദ്യവിൽപ്പന നടത്തിയ രണ്ട് പേരെ അറസ്റ്റ് ചെയ്ത് എക്‌സൈസ്. നീറമൺകര സ്വദേശി മനോജ്, താളികുഴി സ്വദേശി ബൈജു എന്നിവരെയാണ് വാമനപുരം പോലീസ് അറസ്റ്റ് ചെയ്തത്.

മനോജിന്റെ ഉടമസ്ഥതിയിൽ ഉള്ള മണിക്കുട്ടൻ എന്ന ഓട്ടോയും ബിജുവിന്റെ അനാമിക എന്ന ഓട്ടോയും ഉപയോഗിച്ചാണ് ഇവർ മദ്യവിൽപ്പന നടത്തിയത്. പ്രതികളിൽ നിന്ന് അഞ്ച് കുപ്പി മദ്യവും പണവും കണ്ടെടുത്തിട്ടുണ്ട്. വാഹനം എക്‌സൈസ് കസ്റ്റഡിയിലെടുത്തിട്ടുണ്ട്. കോടതിയിൽ ഹാജരാക്കിയ ഇവരെ റിമാൻഡ് ചെയ്തു.