തൃശ്ശൂർ ജില്ലയിൽ 926 പേർക്ക് കൂടി കോവിഡ്; 2,280 പേർ രോഗമുക്തരായി

തൃശ്ശൂർ: തൃശ്ശൂർ ജില്ലയിൽ ചൊവ്വാഴ്ച 926 പേർക്ക് കൂടി കോവിഡ്19 സ്ഥിരീകരിച്ചു; കൂടാതെ കോവിഡ് ബാധിച്ച് ജില്ലയിലെ വിവിധ ആശുപത്രികളിൽ നിലവിൽ ചികിത്സയിലുള്ള 399 പേരും വീട്ടു നിരീക്ഷണത്തിലുള്ള 9,300 പേരും ചേർന്ന് 10,625 പേരാണ് ജില്ലയിൽ ആകെ രോഗബാധിതരായിട്ടുള്ളത്.

2,280 പേർ ഇന്ന് രോഗമുക്തരായി. ജില്ലയിൽ ഇതുവരെ കോവിഡ് 19 സ്ഥിരീകരിച്ചവരുടെ എണ്ണം 6,60,909 ആണ്. 6,45,770 പേരെയാണ് ആകെ രോഗമുക്തരായി ഡിസ്ചാർജ് ചെയ്തത്.

ജില്ലയിൽ ചൊവ്വാഴ്ച സമ്പർക്കം വഴി 917 പേർക്കാണ് രോഗം സ്ഥിരീകരിച്ചത്. കൂടാതെ സംസ്ഥാനത്തിനു പുറത്തു നിന്നും വന്ന 3 പേർക്കും, ആരോഗ്യ പ്രവർത്തകരായ 3 പേർക്കും, ഉറവിടം അറിയാത്ത 3 പേർക്കും രോഗബാധ ഉണ്ടായിട്ടുണ്ട്.

ജില്ലയിൽ ഇന്ന് റിപ്പോർട്ട് ചെയ്ത പുതിയ ഒരു ക്ലസ്റ്റർ ചേർത്ത് നിലവിൽ 13 ക്ലസ്റ്ററുകളാണുള്ളത്. ഇതിൽ ഹോസ്റ്റലുകൾ, ആരോഗ്യ സ്ഥാപനങ്ങൾ എന്നിവ ഉൾപ്പെടുന്നു.

5,358 സാമ്പിളുകളാണ് പരിശോധനയ്ക്ക് എടുത്തത്. ഇതിൽ 1,941 പേർക്ക് ആന്‍റിജൻ പരിശോധനയും, 3,142 പേർക്ക് ആർടി പിസിആർ പരിശോധനയും, 275 പേർക്ക് സിബിനാറ്റ്/ട്രുനാറ്റ്/പിഒസി പിസിആർ/ആർടി ലാംപ് പരിശോധനയുമാണ് നടത്തിയത്. ജില്ലയിൽ ഇതുവരെ ആകെ 42,32,596 സാമ്പിളുകളാണ് പരിശോധനയ്ക്ക് അയച്ചത്. ഇന്നത്തെ ടെസ്റ്റ് പോസിറ്റിവിറ്റി നിരക്ക് 17.28% ആണ്.