പ്രായമാകുന്നത് സ്വാഭാവികമാണെങ്കിലും, മുഖത്തെ പ്രായമാകുന്നതിന്റെ സൂചനകളെ ഒരു പരിധി വരെ തടയാന് ഭക്ഷണ കാര്യത്തില് ശ്രദ്ധ നല്കിയാല് മതിയാകും. സാല്മണ് പോലെയുള്ള ഫാറ്റി ഫിഷില് ഒമേഗ 3 ഫാറ്റി ആസിഡ് അടങ്ങിയിട്ടുണ്ട്. അതിനാല് ഇവ ചര്മ്മത്തിലെ ചുളിവുളെ തടയാനും മുഖത്ത് പ്രായക്കൂടുതല് തോന്നിക്കാതിരിക്കാനും സഹായിക്കും.ആന്റി ഓക്സിഡന്റുകളുടെ കലവറയായ ബെറിപ്പഴങ്ങള് പതിവാക്കുന്നതും ചര്മ്മം ചെറുപ്പമായിരിക്കാന് സഹായിക്കും.
വിറ്റാമിന് ഇ ധാരാളം അടങ്ങിയ ബദാം കഴിക്കുന്നതും ചര്മ്മത്തിന്റെ ആരോഗ്യത്തിന് നല്ലതാണ്. കൂടാതെ ഇവയില് ആന്റി ഓക്സിഡന്റുകള് ധാരാളം അടങ്ങിയിട്ടുണ്ട്. അതിനാല് ഇവ ഡയറ്റില് ഉള്പ്പെടുത്തുന്നത് ചര്മ്മത്തിലെ ചുളിവുകളെ തടയാനും ചര്മ്മം ചെറുപ്പമായിരിക്കാനും സഹായിക്കും. ആന്റി ഓക്സിഡന്റുകള് ധാരാളം അടങ്ങിയ മാതളം കഴിക്കുന്നത് രക്തയോട്ടം കൂട്ടാനും കൊളാജന് ഉല്പാദിപ്പിക്കാനും ചര്മ്മം ചെറുപ്പമായിരിക്കാനും സഹായിക്കും.
ഒമേഗ 3 ഫാറ്റി ആസിഡും മറ്റ് ആരോഗ്യകരമായ കൊഴുപ്പും വിറ്റാമിന് ഇയും ധാരാളം അടങ്ങിയ അവക്കാഡോ കഴിക്കുന്നതും ചര്മ്മത്തിലെ ചുളിവുളെ തടയാനും മുഖത്ത് പ്രായക്കൂടുതല് തോന്നിക്കാതിരിക്കാനും സഹായിക്കും.പ്രോട്ടീനിന്റെ കലവറയാണ് മുട്ട. വിറ്റാമിനുകളും ധാരാളം അടങ്ങിയ മുട്ട കഴിക്കുന്നതും ചര്മ്മത്തിലെ ചുളിവുകളെ തടയാന് സഹായിക്കും. വിറ്റാമിന് ഇ അടങ്ങിയതാണ് സൂര്യകാന്തി വിത്തുകള്. അതിനാല് ഇവ കഴിക്കുന്നതും ചര്മ്മത്തിന്റെ ആരോഗ്യത്തിന് ഗുണം ചെയ്യും.
തൈരിലെ ലാക്ടിക് ആസിഡ് ചര്മ്മത്തിലെ ചുളിവുകളെ തടയാനും ചര്മ്മം ചെറുപ്പമായിരിക്കാനും സഹായിക്കും.വിറ്റാമിന് എയും മറ്റും അടങ്ങിയ മധുരക്കിഴങ്ങ് കഴിക്കുന്നതും ചര്മ്മത്തിന്റെ ആരോഗ്യത്തിന് നല്ലതാണ്. ആന്റി ഓക്സിഡന്റുകള് അടങ്ങിയ ഡാര്ക്ക് ചോക്ലേറ്റ് കഴിക്കുന്നതും ചര്മ്മത്തിന് നല്ലതാണ്.