മനുഷ്യ ശരീരത്തിലെ ഏറെ പ്രധാനപ്പെട്ട അവയവമാണ് തലച്ചോറ്. തലച്ചോറിന്റെ ആരോഗ്യത്തിനും ഓർമ്മശക്തിക്കും ബുദ്ധിവികാസത്തിനും ഭക്ഷണ കാര്യത്തില് പ്രത്യേകം ശ്രദ്ധിക്കണം. പ്രായം കൂടിവരുമ്പോള് ഓര്മ്മശക്തി കുറയാനും മറവിയുണ്ടാകാനുമുള്ള സാധ്യത ഏറെയാണ്.
അത്തരം മറവിയുടെ സാധ്യതയെ ലഘൂകരിക്കാനും ഓര്മ്മശക്തി കൂട്ടാനും തലച്ചോറിന്റെ ആരോഗ്യത്തിനും വിറ്റാമിനുകൾ, ധാതുക്കൾ, ആന്റി ഓക്സിഡന്റുകൾ, ഒമേഗ-3 ഫാറ്റി ആസിഡുകൾ തുടങ്ങിയവ അടങ്ങിയ ഭക്ഷണങ്ങള് കഴിക്കേണ്ടത് പ്രധാനമാണ്.ആന്റി ഓക്സിഡന്റുകള് ധാരാളം അടങ്ങിയ മാതളം ജ്യൂസ് ഡയറ്റില് ഉള്പ്പെടുത്തുന്നത് തലച്ചോറിന്റെ ആരോഗ്യത്തിനും ഓര്മ്മശക്തി കൂട്ടാനും സഹായിക്കും.വിറ്റാമിന് സിയും ആന്റി ഓക്സിഡന്റുകളും അടങ്ങിയ ഓറഞ്ച് ജ്യൂസ് കുടിക്കുന്നതും തലച്ചോറിന്റെ ആരോഗ്യത്തിനും രോഗ പ്രതിരോധശേഷി കൂട്ടാനും സഹായിക്കും.
ആന്റി ഓക്സിഡന്റുകള് ധാരാളം അടങ്ങിയതാണ് ബ്ലൂബെറി, സ്ട്രോബെറി തുടങ്ങിയ ബെറി പഴങ്ങള്. അതിനാല് ബെറി ജ്യൂസ് ഡയറ്റില് ഉള്പ്പെടുത്തുന്നതും ഓര്മ്മശക്തി കൂടാനും തലച്ചോറിന്റെ ആരോഗ്യം സംരക്ഷിക്കാനും സഹായിക്കും. ആരോഗ്യകരമായ കൊഴുപ്പും മറ്റ് വിറ്റാമിനുകളും അടങ്ങിയ അവക്കാഡോ ജ്യൂസും തലച്ചോറിന്റെ ആരോഗ്യത്തിന് നല്ലതാണ്.വിറ്റാമിന് സിയും വിറ്റാമിനുകളും മറ്റ് ആന്റി ഓക്സിഡന്റുകളും അടങ്ങിയ ബീറ്റ്റൂട്ട് ജ്യൂസ് ഡയറ്റില് ഉള്പ്പെടുത്തുന്നതും ഓര്മ്മശക്തി കൂട്ടാനും തലച്ചോറിന്റെ ആരോഗ്യം സംരക്ഷിക്കാനും സഹായിക്കും.
ആന്റി ഓക്സിഡന്റുകള് ധാരാളം അടങ്ങിയ ഗ്രീന് ടീ കുടിക്കുന്നതും ഓര്മ്മശക്തി കൂട്ടാനും തലച്ചോറിന്റെ ആരോഗ്യം സംരക്ഷിക്കാനും നല്ലതാണ്. മഞ്ഞളിലെ കുര്കുമിന് തലച്ചോറിന്റെ ആരോഗ്യത്തിന് ഗുണം ചെയ്യും. അതിനാല് മഞ്ഞള് ചായയും ഡയറ്റില് ഉള്പ്പെടുത്താം.