കുട്ടികളിലെ ബ്രെയിൻ ട്യൂമറിന്റെ ലക്ഷണങ്ങൾ എന്തൊക്കെയാണെന്ന് നോക്കാം...

ബ്രെയിൻ ട്യൂമർ ഏറെ അപകടകാരിയാണ്. കാരണം അവ തലച്ചോറിൻ്റെ ആരോഗ്യകരമായ ഭാഗങ്ങളിൽ സമ്മർദ്ദം ചെലുത്തും അല്ലെങ്കിൽ ആ ഭാഗങ്ങളിൽ വ്യാപിക്കും. ചില ബ്രെയിൻ ട്യൂമറുകൾ ക്യാൻസർ ആകാം. ചെറിയ കുട്ടികൾ മുതൽ മുതിർന്ന ആളുകളിൽ വരെ കാണാവുന്ന അസുഖമാണ് ബ്രെയിൻ ട്യൂമർ. 

ട്യൂമർ കണ്ടുപിടിക്കുവാൻ പ്രാഥമികമായി ആശ്രയിക്കുന്നത് സ്‌കാനിങ്ങാണ്. അതിൽ തന്നെ എം. ആർ. ഐ സ്‌കാനിങ്ങാണ് കൂടുതലായി ഉപയോഗപ്പെടുത്തുന്നത്. സിഎസ്എഫ് എന്നറിയപ്പെടുന്ന സെറിബ്രോ സ്‌പൈനൽ ഫ്‌ളൂയിഡിന്റെ പരിശോധനയും തലച്ചോറിനെ ബാധിക്കുന്ന ട്യൂമർ കണ്ടെത്താൻ സഹായിക്കാറുണ്ട്.

 ഓക്കാനം, ഛർദ്ദി എന്നിവ, അപൂർവ സന്ദർഭങ്ങളിൽ തലച്ചോറിനുള്ളിലെ മർദ്ദം വർദ്ധിപ്പിക്കുന്ന ബ്രെയിൻ ട്യൂമർ മൂലമാകാം. ഈ ലക്ഷണങ്ങൾ നിലനിൽക്കുന്നുവെങ്കിൽ മാതാപിതാക്കൾ ശിശുരോഗവിദഗ്ദ്ധനെ കണ്ട് പരിശോധന നടത്തുക. കുട്ടിയുടെ സ്വഭാവത്തിലെ മാറ്റങ്ങൾ ശ്രദ്ധയിൽ പെട്ടാൽ ഡോക്ടറെ കാണുക.

ട്യൂമറിൻ്റെ സ്ഥാനം അനുസരിച്ച് ഇത് കുട്ടിയുടെ കാഴ്ചയെയും കേൾവിയെയും കൂടാതെ/അല്ലെങ്കിൽ സംസാരത്തെയും ബാധിക്കും. അപസ്മാരം, തലചുറ്റൽ, ഓർമക്കുറവ്, കൈകാലുകൾക്ക് സംഭവിക്കാവുന്ന ബലക്ഷയങ്ങൾ, കാഴ്ചക്കുറവ്, കേൾവിക്കുറവ്, ഉന്മേഷമില്ലായ്മ ഇത്തരത്തിൽ നിരവധി രോഗലക്ഷണങ്ങൾ ബ്രെയിൻ ട്യൂമറുമായി ബന്ധപ്പെട്ടിരിക്കുന്നു.