നഖങ്ങൾ എങ്ങനെ സംരക്ഷിക്കാമെന്ന് നോക്കാം..

 നഖങ്ങളുടെ നിറം, ആകൃതി, ഘടന എന്നിവയിലൂടെ നിങ്ങളുടെ ആരോഗ്യം തിരിച്ചറിയാൻ സാധിക്കും. നഖങ്ങളിലെ നിറവ്യത്യാസം, ഘടനാവ്യത്യാസം എന്നിവ പോഷകക്കുറവിന്‍റെയും ആരോ​ഗ്യപ്രശ്നങ്ങളുടെയും ലക്ഷണങ്ങളാകാം.

ചർമ്മത്തിന്റെ ഭാ​ഗമാണ് നഖങ്ങളും. പ്രോട്ടീൻ കെരാറ്റിൻ പാളികളാൽ നിർമിതമാണ് നഖങ്ങൾ. പുതിയ കോശങ്ങൾ വളരുമ്പോൾ പഴയ കോശങ്ങൾ കഠിനവും ഒതുക്കമുള്ളതുമാകുകയും ഒടുവിൽ വിരൽത്തുമ്പിലേക്ക് നീണ്ടു വളരുകയും ചെയ്യുന്നു. ആരോ​ഗ്യമുള്ള നഖങ്ങൾ പിങ്ക് നിറത്തിൽ ഒരോ ആകൃതിയിലാകും ഉണ്ടാവുക.

നഖങ്ങളിൽ ഉണ്ടാകുന്ന ഈ മാറ്റങ്ങൾ ശ്രദ്ധിക്കുക

• കൊയിലോണിയ (സ്പൂൺ ആകൃതിയിലുള്ള നഖങ്ങൾ): ഇത് പലപ്പോഴും ശരീരത്തിൽ ഇരുമ്പിന്റെ കുറവുമൂലമാണ് സംഭവിക്കുന്നത്. ഇത് വിളർച്ച, ഹീമോക്രോമാറ്റോസിസ്, ല്യൂപ്പസ് എറിത്തമറ്റോസസ് എന്നി ആരോ​ഗ്യ പ്രശ്നങ്ങളുമായി ബന്ധപ്പെട്ടു കിടക്കുന്നു.

• ഒനിക്കോളിസിസ് (നഖം പൊളിഞ്ഞു പോകുന്നു): സോറിയാസിസ്, ഫംഗസ് അണുബാധ (ഒനികോമൈക്കോസിസ്), ഹൈപ്പർതൈറോയിഡിസം എന്നിവയുടെ ലക്ഷണമായി കണക്കാക്കുന്നു.

നഖങ്ങൾ എങ്ങനെ സംരക്ഷിക്കാം

• നഖങ്ങൾ വെട്ടി വൃത്തിയായി സൂക്ഷിക്കുക. ഇത് നഖത്തിനടിയിൽ ബാക്ടീരിയകൾ വളരുന്നത് തടയുന്നു

• വെള്ളവുമായുള്ള ആവർത്തിച്ചുള്ള സമ്പർക്കം നഖങ്ങൾ പിളരുന്നതിന് കാരണമാകും. പാത്രങ്ങളും തുണിയും കഴുകുമ്പോഴും രാസവസ്തുക്കൾ ഉപയോഗിക്കുമ്പോഴും കയ്യുറകൾ ധരിക്കുക.

• പതിവായി മോയ്സ്ചറൈസർ ഉപയോഗിക്കുക. ഹാൻഡ് ലോഷൻ ഉപയോഗിക്കുമ്പോൾ, ലോഷൻ നിങ്ങളുടെ നഖങ്ങളിലും പുറംതൊലിയിലും പുരട്ടുക.