തിരുവനന്തപുരം: തിരുവനന്തപുരം ജില്ലയിലെ ആദ്യ ഫ്ളോട്ടിംഗ് ബ്രിഡ്ജ് വര്ക്കലയിലെ പാപനാശത്ത് തുറന്നു. മന്ത്രി പി.എ. മുഹമ്മദ് റിയാസ് ആണ് ഉദ്ഘാടനം ചെയ്തത്. 100 മീറ്റര് നീളമുള്ള ബ്രിഡ്ജിൽ ഒരേസമയം 300 ആളുകളെ ഉള്ക്കൊള്ളാനുള്ള ശേഷിയുണ്ട്.
കേരളത്തില് വാട്ടര് സ്പോര്ട്സിന്റെ സാധ്യതകളെ ഫലപ്രദമായി പ്രയോജനപ്പെടുത്തി ബീച്ചുകളുള്ള എല്ലാ ജില്ലയിലും ഫ്ലോട്ടിങ് ബ്രിഡ്ജുകള് നിര്മിക്കുമെന്ന് മന്ത്രി പറഞ്ഞു.
ബീച്ച് ടൂറിസം കേരളത്തില് വ്യാപിപ്പിക്കുമെന്നും വാട്ടര് സ്പോര്ട്സിനായി ഗോവയേയും തായ്ലന്ഡിനേയും ഒക്കെ ആശ്രയിക്കുന്ന മലയാളികള്ക്ക് സ്വന്തം നാട്ടില് ഇത്തരം സാധ്യതകളെ പ്രയോജനപ്പെടുത്തുകയാണ് പദ്ധതിയുടെ ലക്ഷ്യം.
വാട്ടര് സ്പോര്ട്സ് സാധാരണക്കാര്ക്കും പ്രാപ്യമാക്കാന് ഇതിലൂടെ സാധിക്കും. ഇത്തരം പദ്ധതികള് യാഥാര്ത്ഥ്യമാക്കുന്നതിലൂടെ കേരളത്തിന്റെ സാമ്പത്തിക അഭിവൃദ്ധിയും തൊഴില് സാധ്യതകളും വര്ധിക്കുമെന്നും മന്ത്രി വ്യക്തമാക്കി.