“രാഹുൽ ഗാന്ധി ആദ്യം മറുപടി പറയേണ്ടത് നാഷണൽ ഹെറാൾഡ് അഴിമതിയെക്കുറിച്ച്”: ഇപി ജയരാജൻ

രാഹുൽ ഗാന്ധിയുടെ നേതൃത്വത്തിൽ കോൺഗ്രസ്സ് ജീർണ്ണതയിലെന്നും കഴിവുള്ള നേതാക്കളെല്ലാം കോൺഗ്രസ്സ് വിട്ട് പോയെന്നും ഇപി ജയരാജൻ. ആദ്യം രാഹുൽ ഗാന്ധി മറുപടി പറയേണ്ടത് നാഷണൽ ഹെറാൾഡ് അഴിമതിയെക്കുറിച്ചാണ്. നാഷണൽ ഹെറാൾഡ് കേസിൽ തന്നെ എന്താണ് അറസ്റ്റ് ചെയ്യാത്തത് എന്ന് രാഹുൽ ഗാന്ധി സ്വയം ചോദിക്കണം എന്നും ഇപി ജയരാജൻ പറഞ്ഞു.

പ്രിയങ്ക ഗാന്ധിയുടെ ഭർത്താവ് ഇലക്ട്രൽ ബോണ്ട് വഴി ബിജെപിക്ക് പണം നൽകിയിട്ടുണ്ട്. അങ്ങനെയാണ് ഭൂമികുംഭകോണ കേസിൽ നിന്ന് രക്ഷപ്പെട്ടത്. രാഹുൽ ഗാന്ധിയുടേത് അപക്വമായ രാഷ്ട്രീയ നിലപാടാണെന്നും, ബിജെപിക്ക് എതിരായ പൊതുവേദിയെ ദുർബലപ്പെടുത്തുകയാണ് രാഹുൽ ഗാന്ധിയെന്നും ഇപി ജയരാജൻ ആരോപിച്ചു.