തിരുവനന്തപുരം: നിപ്പ വൈറസുമായി ബന്ധപ്പെട്ട പ്രതിരോധ പ്രവര്ത്തനങ്ങള് വിലയിരുത്താന് ആരോഗ്യമന്ത്രി കെ.കെ. ശൈലജ ഇന്ന് ഡല്ഹിക്ക് പുറപ്പെടും. കേന്ദ്ര ആരോഗ്യമന്ത്രി ഡോ. ഹര്ഷവര്ധനുമായി കൂടിക്കാഴ്ച നടത്തുകയും ചെയ്യും.
കൂടിക്കാഴ്ചയില് കോഴിക്കോട് റീജിയണല് വൈറോളജി ലാബിന് അനുവദിച്ച മൂന്ന് കോടി രൂപ മതിയാകില്ലെന്ന് അറിയിക്കുകയും കൂടുതല് പണം വേണമെന്ന് ആവശ്യപ്പെടുമെന്നും ആരോഗ്യമന്ത്രി മാധ്യമങ്ങളോട് പറഞ്ഞു.
അതേസമയം, കേരളം സന്ദർശിക്കേണ്ട സാഹചര്യം നിലവിൽ ഇല്ലെന്നും അടിയന്തര സാഹചര്യം ഉണ്ടായാൽ സംസ്ഥാനത്തെത്തുമെന്നും കേന്ദ്ര ആരോഗ്യ മന്ത്രി ഹർഷ വർദ്ധൻ പറഞ്ഞു.
നിപയുടെ ഉറവിടവും ഒരു വർഷത്തിന് ശേഷം വീണ്ടും വന്നതും നിലവിൽ കേരളത്തിലുള്ള കേന്ദ്ര സംഘം പഠിക്കും. ദില്ലിയിൽ കേന്ദ്രമന്ത്രി വി മുരളീധരനുമായി നടത്തിയ ചർച്ചയിലാണ് ഹർഷവർദ്ധൻ ഇക്കാര്യം അറിയിച്ചത്.