'കുത്തിവെപ്പിനേക്കാൾ മിക്ക രോഗികൾക്കും കോവിഡ്​ വൈറസാണ്​ ഏറ്റവും അപകടമെന്നത്​ വ്യക്​തമാണ്​. മരിച്ച രോഗികൾക്കെല്ലാം തന്നെ ഗുരുതരമായ അസുഖങ്ങളുണ്ടായിരുന്നു. ആളുകൾ വാക്​സിൻ മൂലമാണ്​ മരണപ്പെട്ടതെന്ന്​ ഞങ്ങൾക്ക്​ പറയാനാകില്ല'; 33 പേരുടെ മരണത്തിന്​ വാക്​സിനേഷനുമായി നേരിട്ട്​ ബന്ധമുള്ളതായി തെളിവില്ലെന്ന് നോർവേ ആരോഗ്യ വകുപ്പ്

ഓസ്​ലോ: ഫൈസർ കോവിഡ്​ വാക്​സിൻ സ്വീകരിച്ചതിന്​ പിന്നാലെ രോഗികൾ മരിച്ച സംഭവത്തിൽ വിശദീകരണവുമായി നോർവേ ആരോഗ്യ വകുപ്പ്​. 33 പേരുടെ മരണത്തിന്​ വാക്​സിനേഷനുമായി നേരിട്ട്​ ബന്ധമുള്ളതായി തെളിവില്ലെന്നാണ്​ അവർ അറിയിച്ചിരിക്കുന്നത്​.

'കുത്തിവെപ്പിനേക്കാൾ മിക്ക രോഗികൾക്കും കോവിഡ്​ വൈറസാണ്​ ഏറ്റവും അപകടമെന്നത്​ വ്യക്​തമാണ്​. മരിച്ച രോഗികൾക്കെല്ലാം തന്നെ ഗുരുതരമായ അസുഖങ്ങളുണ്ടായിരുന്നു. ആളുകൾ വാക്​സിൻ മൂലമാണ്​ മരണപ്പെട്ടതെന്ന്​ ഞങ്ങൾക്ക്​ പറയാനാകില്ല' -നോർവീജിയൻ മെഡിസിൻസ്​ ഏജൻസി ഡയറക്​ടർ സ്​റ്റൈനർ മാഡ്​സെൻ വ്യക്​തമാക്കി.

കഴിഞ്ഞ വെള്ളിയാഴ്​ച വരെ നോർവേയിൽ ഫൈസറും ബയോഎൻടെക്കും നൽകിയ വാക്​സിനുകൾ മാത്രമായിരുന്നു ഉപയോഗിച്ചുവന്നിരുന്നത്​.

",