നരേന്ദ്ര മോദിക്ക് ലഭിച്ച 2,700 സമ്മാനങ്ങൾ ലേലം ചെയ്യുന്നു ; സമ്മാനങ്ങൾ സ്വന്തമാക്കാനുള്ള അടിസ്ഥാന തുക 200 രൂപ  , പരമാവധി 2.5 ലക്ഷം രൂപ വരെ ! ; ലേലം ശനിയാഴ്ച ഓൺലൈൻ വഴി

ഡല്‍ഹി : പ്രധാനമന്ത്രി നരേന്ദ്ര മോദിക്ക് ലഭിച്ച സമ്മാനങ്ങൾ ലേലം ചെയ്യുന്നു. ഈമാസം 14നാണ് 2,700 സമ്മാനങ്ങൾ ലേലത്തിൽ വിൽക്കുന്നത്. ഓൺലൈൻ വഴിയാണ് വിൽപ്പനെയെന്ന് സാംസ്കാരിക മന്ത്രി പ്രഹ്ലാദ് പട്ടേൽ അറിയിച്ചു.

ആകെ 2,772 സമ്മാനങ്ങളാണ് ലേലം വഴി വിൽപ്പന നടത്തി ധനസമാഹരണം നടത്തുന്നത്. മോദിക്ക് ലഭിച്ച സമ്മാനങ്ങൾ സ്വന്തമാക്കാനുള്ള അടിസ്ഥാന തുക 200 രൂപയാണ്.

പരമാവധി 2.5 ലക്ഷം രൂപ വരെയാണെന്നും മന്ത്രി പറഞ്ഞു. എന്നാൽ ലേലത്തിലൂടെ ലഭിക്കുന്ന തുക എന്തിന് വിനിയോഗിക്കുമെന്ന് വ്യക്തമാക്കിയിട്ടില്ല.