തിരുവനന്തപുരം: സിപിഐ മാര്ച്ചില് നേതാക്കള്ക്ക് പൊലീസ് മര്ദ്ദനമേറ്റ സംഭവത്തില് കൊച്ചി സെൻട്രൽ എസ് ഐ വിപിൻ ദാസിനെ സസ്പെന്റ് ചെയ്ത നടപടിയെ സ്വാഗതം ചെയ്യുന്നതായി സിപിഐ എറണാകുളം ജില്ലാ സെക്രട്ടറി പി രാജു പ്രതികരിച്ചു.
ഇപ്പോഴത്തെ നടപടിയിൽ ഭാഗികമായ സംതൃപ്തിയാണുള്ളത്. സിപിഐ മാര്ച്ചിലേക്ക് നയിച്ച, വൈപിൻ സംഭവത്തിന് കാരണക്കാരനായ ഞാറക്കൽ സിഐ ക്കെതിരെയും നടപടി വേണമെന്നും രാജു പറഞ്ഞു. സിഐ ക്കെതിരെ നടപടി എടുക്കാൻ മുഖ്യമന്ത്രിയോട് ആവശ്യപ്പെടുമെന്നും പി രാജു കൂട്ടിച്ചേർത്തു.