പാലായിലെ തോല്‍വി അംഗീകരിക്കുന്നു...ഇതൊരു രാഷ്ട്രീയ പരാജയമെന്ന് വിശ്വസിക്കുന്നില്ലെന്ന് ബെന്നിബഹനാന്‍

തിരുവനന്തപുരം: മുന്നണിക്കുള്ളില്‍ ഘടകകക്ഷികള്‍ തമ്മില്‍ മത്സരിക്കരുതെന്ന പാഠമാണ് പാലാ തിരഞ്ഞെടുപ്പ് ഫലത്തില്‍ നിന്ന് ലഭിച്ചതെന്ന് യു.ഡി.എഫ് കണ്‍വീനര്‍ ബെന്നിബഹനാന്‍. മത്സരം മുന്നണികള്‍ തമ്മിലാകണം.

പാര്‍ട്ടികള്‍ക്കുള്ളിലെ പ്രശ്നങ്ങള്‍ പരിഹരിക്കേണ്ടത് അവര്‍ തന്നെയാണ്. പാലായിലെ തോല്‍വി അംഗീകരിക്കുന്നു.എന്നാല്‍ ഇതൊരു രാഷ്ട്രീയ പരാജയമെന്ന് വിശ്വസിക്കുന്നില്ലെന്നും അദ്ദേഹം അറിയിച്ചു.

തോല്‍വിയെക്കുറിച്ച്‌ ഗൗരവത്തില്‍ പരിശോധിക്കും.അടുത്തു നടക്കുന്ന അഞ്ചു ഉപതിരഞ്ഞെടുപ്പുകളെയും പാലായിലെ ഫലം ബാധിക്കില്ലെന്നും ബെന്നി ബെഹനാന്‍ കൂട്ടിച്ചേര്‍ത്തു.