കൊച്ചി: പന്തീരങ്കാവ് യുഎപിഎ കേസില് താഹയുടെ ജാമ്യം ഹൈക്കോടതി റദ്ദാക്കി. താഹ ഉടന് കീഴടങ്ങണമെന്ന് ഹൈക്കോടതി ഉത്തരവിട്ടു. എന്നാല് അലന് ഷുഹൈബിന്റെ ജാമ്യം കോടതി റദ്ദാക്കിയില്ല. അലന്റെ പ്രായം കണക്കിലെടുത്താണ് തീരുമാനമെന്ന് കോടതി വ്യക്തമാക്കി.
എന് ഐ എ നല്കിയ അപ്പീലിലാണ് കോടതി നടപടി. താഹയുടെ കൈയില് നിന്ന് പിടിച്ചെടുത്ത തെളിവുകളെല്ലാം യുഎപിഎ കേസ് നിലനിര്ത്താന് പര്യാപ്തമാണെന്ന എന്ഐഎയുടെ വാദം കോടതി അംഗീകരിച്ചു. താഹയെ അല്പ്പസമയത്തിനകം കസ്റ്റഡിയിലെടുത്ത് ജയിലിലേക്ക് മാറ്റേണ്ടി വരും.
2020 സെപ്തംബര് ഒമ്പതിന് കോടതി കര്ശന ഉപാധികളോടെ ഇരുവര്ക്കും ജാമ്യം അനുവദിക്കുകയായിരുന്നു.