തിരുവനന്തപുരം: കോവിഡുമായി ബന്ധപ്പെട്ട പരിശോധനകള് വ്യാപകമാക്കാന് മുഖ്യമന്ത്രി പിണറായി വിജയന് നിര്ദേശിച്ചു. ജില്ലാ കളക്ടര്മാര്, ഉന്നത പോലീസ് ഉദ്യോഗസ്ഥര്, മെഡിക്കല് ഓഫീസര്മാര് എന്നിവരുമായി നടത്തിയ വീഡിയോ കോണ്ഫറന്സിങ്ങിലാണ് മുഖ്യമന്ത്രി ഇക്കാര്യം പറഞ്ഞത്.
സാമൂഹിക വ്യാപനം തടയുക, ലക്ഷണങ്ങളില്ലാത്ത രോഗികളെ കണ്ടെത്തുക എന്നിവയാണ് ലക്ഷ്യമെന്നും പ്രവാസികള് മടങ്ങിയെത്തുമ്ബോള് റിവേഴ്സ് ക്വാറന്റീന് ഉറപ്പാക്കുവാനായി പ്രത്യേക ശുചിമുറികളുള്ള താമസ സൗകര്യം കണ്ടെത്തണമെന്നും മുഖ്യമന്ത്രി നിര്ദേശിച്ചു.
ഹോട്ട്സ്പോട്ട്, റെഡ്സോണ് മേഖലകളില് എല്ലാവര്ക്കും ഭക്ഷണം ഉറപ്പാക്കണമെന്നും തമിഴ്നാട്, കര്ണാടക അയല്സംസ്ഥാനങ്ങളില് നിന്ന് ആരും ചെറുവഴികളിലൂടെയും കാടിനുള്ളിലൂടെയും കേരളത്തിലേക്ക് എത്തുന്നില്ലെന്ന് ഉറപ്പാക്കണമെന്നും മുഖ്യമന്ത്രി വ്യക്തമാക്കി.