തിരുവനന്തപുരം: മറ്റു സംസ്ഥാനങ്ങളില്നിന്ന് ചരക്കുവാഹനങ്ങള് കൊണ്ടുവരുന്ന ഡ്രൈവര്മാരെയും ക്ലീനര്മാരെയും കൃത്യമായി നിരീക്ഷിക്കണമെന്നു മുഖ്യമന്ത്രി പിണറായി വിജയന്.
അവരിലൂടെ രോഗം പടരുന്ന സ്ഥിതി ഉണ്ടാകരുത്. ഡ്രൈവര്മാര്ക്ക് താമസ സൗകര്യം നല്കണം. അവരെ ചുറ്റിക്കറങ്ങാന് അനുവദിക്കരുത്. മൊത്തവ്യാപാരികളുമായി ഇക്കാര്യത്തില് ബന്ധപ്പെടണം. ഭക്ഷ്യസാധനങ്ങളുടെ ലഭ്യത ഉറപ്പാക്കാന് ജില്ലാ ഭരണസംവിധാനങ്ങള് ശ്രദ്ധിക്കണമെന്നും മുഖ്യമന്ത്രി നിര്ദേശിച്ചു.
ഹോട്ട്സ്പോട്ട് ആയ മേഖലകളില് ആളുകള്ക്ക് പുറത്തിറങ്ങാന് പറ്റില്ല. അതുകൊണ്ട് ഭക്ഷ്യസാധനങ്ങള് വീടുകളില് എത്തുന്നു എന്ന് ഉറപ്പാക്കണമെന്നും മുഖ്യമന്ത്രി ചൂണ്ടിക്കാട്ടി.