തിരുവനന്തപുരം: കൊറോണ വൈറസ് വ്യാപനത്തിന്റെ പശ്ചാത്തലത്തില് സംസ്ഥാനത്ത് ആരും പട്ടിണി കിടക്കേണ്ടിവരില്ലെന്ന് മുഖ്യമന്ത്രി പിണറായി വിജയന്. അവശനിലയില് വീടുകളില് കഴിയുന്നവര്, പ്രായമുള്ളവര്, രോഗികള് എന്നിവര്ക്ക് ഭക്ഷണം ലഭിക്കാത്ത അവസ്ഥ ഉണ്ടാകരുതെന്നും മുഖ്യമന്ത്രി വാര്ത്തസമ്മേളനത്തില് പറഞ്ഞു.
വീട്ടില് കഴിയുന്ന ആരും പട്ടിണി കിടക്കുന്ന സ്ഥിതി ഉണ്ടാകില്ലെന്നും മുഖ്യമന്ത്രി പറഞ്ഞു. ഭക്ഷണം ലഭിക്കാത്തവര്ക്കായി പശ്ചാത്തുകളും നഗരസഭകളും സമൂഹ അടുക്കളകള് തയാറാക്കും.ഭക്ഷണം എത്തിക്കേണ്ടവരുടെ കണക്കുകള് ശേഖരിച്ച് ഇത്തരക്കാര്ക്ക് ഭക്ഷണം എത്തിക്കും. ഭക്ഷണം വേണ്ടവര്ക്ക് വിളിക്കാന് ഒരു ഫോണ് നന്പര് ഉറപ്പാക്കുമെന്നും സുരക്ഷാക്രമീകരണം പാലിച്ച് ഭക്ഷണം വിതരണം ചെയ്യുമെന്നും മുഖ്യമന്ത്രി പറഞ്ഞു.
മുന്ഗണനാ പട്ടികയില് ഇല്ലാത്തവര്ക്ക് 15 കിലോ അരി നല്കും. അരിക്കൊപ്പം പലവ്യഞ്ജനക്കിറ്റും നല്കുമെന്നും മുഖ്യമന്ത്രി പറഞ്ഞു. ആളുകള് അത്യാവശ്യത്തിന് മാത്രമേ പുറത്തിറങ്ങാവു.പുറത്തിറങ്ങുന്നവര് ഐഡി കാര്ഡോ പാസോ കരുതണമെന്നും മുഖ്യമന്ത്രി പറഞ്ഞു. നിയന്ത്രണം നടപ്പാക്കേണ്ടത് ജില്ലാ പോലീസ് മേധാവിയുടെ ഉത്തരവാദിത്തമാണെന്നും അദ്ദേഹം പറഞ്ഞു.