കോട്ടയം: പാലാ തെരഞ്ഞെടുപ്പില് പ്രചാരണരംഗത്തുനിന്ന് വിട്ടുനില്ക്കുന്ന കേരള കോണ്ഗ്രസ് ജോസഫ് വിഭാഗത്തെ അനുനയിപ്പിക്കാന് യു.ഡി.എഫില് നീക്കം.ഇന്ന് ഉച്ചക്ക് ശേഷം കോട്ടയത്ത് പി.ജെ. ജോസഫുമായി കോണ്ഗ്രസ് നേതൃത്വം ചര്ച്ച നടത്തും.
ഉമ്മന് ചാണ്ടിയും രമേശ് ചെന്നിത്തലയും യു.ഡി.എഫ് കണ്വീനര് ബെന്നി ബഹനാനുമടക്കം മുതിര്ന്ന നേതാക്കളുടെ സാന്നിധ്യത്തിലാകും അനുനയശ്രമങ്ങള്. എന്നാല്, ജോസ് വിഭാഗത്തെ പങ്കെടുപ്പിക്കരുതെന്ന നിര്ദേശം ജോസഫ് വിഭാഗം മുന്നോട്ടുവെച്ചിട്ടുണ്ട്.
ആദ്യം തങ്ങള്ക്ക് പറയാനുള്ളത് കേള്ക്കുക. അതിന് ശേഷം മറ്റ് കാര്യങ്ങള് എന്ന നിലപാടിലാണ് ജോസഫ് വിഭാഗം. തന്നെ കൂക്കിവിളിച്ചും ലേഖനത്തിലൂടെ അപമാനിച്ചും ജോസ് പക്ഷം തറ രാഷ്ട്രീയം കളിച്ചിട്ടും രണ്ടുകൂട്ടരോടും അതൃപ്തി അറിയിച്ചെന്ന െക.പി.സി.സി പ്രസിഡന്റ് മുല്ലപ്പള്ളി രാമചന്ദ്രെന്റ പ്രസ്താവനയിലുള്ള അമര്ഷവും ജോസഫ് കോണ്ഗ്രസ് നേതാക്കളെ അറിയിച്ചിട്ടുണ്ട്.
ഉപതെരഞ്ഞെടുപ്പിന് രണ്ടാഴ്ച മാത്രമിരിെക്ക ജോസഫ് വിഭാഗം പുറത്തുപോയാല് യു.ഡി.എഫിന് ദോഷം ചെയ്യുമെന്ന തിരിച്ചറിവും അനുനയ നീക്കങ്ങള്ക്ക് ആക്കംകൂട്ടി.