ബാബരി മസ്ജിദ് തകർത്ത കേസ്; സംഘ് പരിവാർ പ്രതികളെ വെറുതെ വിട്ട നീതി നിഷേധത്തിനെതിരെ മുസ്‌ലിം യൂത്ത് ലീഗ് പഞ്ചായത്ത് കമ്മിറ്റിയുടെ നേതൃത്വത്തിൽ പോസ്റ്റർ പതിച്ച് പ്രതിഷേധം

വാടാനപ്പള്ളി: ബാബരി മസ്ജിദ് തകർത്ത കേസിൽ സംഘ് പരിവാർ പ്രതികളെ വെറുതെ വിട്ട നീതി നിഷേധത്തിനെതിരെ ഗാന്ധിജയന്തി ദിനത്തിൽ മുസ്‌ലിം യൂത്ത് ലീഗ് പഞ്ചായത്ത് കമ്മിറ്റിയുടെ നേതൃത്വത്തിൽ വാടാനപ്പള്ളിയിലെ വിവിധ ഭാഗങ്ങളിൽ പോസ്റ്റർ പ്രതിഷേധം സംഘടിപ്പിച്ചു.

പഞ്ചായത്ത് തല ഉദ്ഘാടനം പതിമൂന്നാം വാർഡിൽ പോസ്റ്റർ പതിച്ച് യൂത്ത് ലീഗ് ജില്ലാ ജനറൽ സെക്രട്ടറി എ എം സനൗഫൽ നിർവഹിച്ചു. മുസ്‌ലിം ലീഗ് നിയോജക മണ്ഡലം വൈസ് പ്രസിഡണ്ട് പി കെ അഹമ്മദ്, പഞ്ചായത്ത് പ്രസിഡണ്ട് പി എ മുഹമ്മദ് മോൻ ഹാജി, ജനറൽ സെക്രട്ടറി പി എ സുലൈമാൻ, യൂത്ത് ലീഗ് പഞ്ചായത്ത് പ്രസിഡണ്ട് വി എം മുഹമ്മദ് സമാൻ, ജനറൽ സെക്രട്ടറി പി എ സുഹൈൽ, എ സി അബ്ദുറഹ്മാൻ, വി കെ മുഹമ്മദ്, പി എസ് അബൂബക്കർ, അബൂഹന്ന മൗലവി എന്നിവർ സംബന്ധിച്ചു.