കോഴിക്കോട്: കമ്യൂണിസ്റ്റ് തീവ്രവാദികളെയും രാജ്യവിരുദ്ധരെയും നിരീശ്വരവാദികളെയും ആസൂത്രിതമായി ശബരിമലയില്‍ കയറ്റാനാണു സിപിഎം ശ്രമിക്കുന്നതെന്നു ബിജെപി സംസ്ഥാന പ്രസിഡന്റ് പി.എസ്.ശ്രീധരന്‍പിള്ള. ശബരിമലയെ തകര്‍ക്കുകയെന്ന ദുരുദ്ദേശമാണ് സിപിഎമ്മിനുള്ളത്.
/ "publive-image")
ആരെയും ബലംപ്രയോഗിച്ചു കയറ്റണമെന്നു കോടതി പറഞ്ഞിട്ടില്ല. പക്ഷേ, തന്ത്രത്തിലൂടെ കയറ്റാനാണു സര്‍ക്കാര്‍ ശ്രമമെന്നും ശ്രീധരന്‍ പിള്ള പറഞ്ഞു.
ബിജെപിയെ സംബന്ധിച്ച് ശബരിമലയിലേതു ധര്‍മസമരമാണ്. ധര്‍മസമരത്തില്‍ ജയമോ തോല്‍വിയോ ഇല്ല. സമാധാന മാര്‍ഗത്തിലൂടെ ലക്ഷ്യത്തിലേക്കു നീങ്ങാനാണു ബിജെപി ശ്രമിക്കുന്നത്. തിരുവനന്തപുരത്തു സെക്രട്ടേറിയറ്റ് പടിക്കല്‍ നടത്തുന്ന സമരം തുടരണോ വേണ്ടയോ എന്നു പാര്‍ട്ടി ആലോചിച്ചു തീരുമാനിക്കുമെന്നും ശ്രീധരന്‍ പിള്ള പറഞ്ഞു.
Follow Us/sathyam/media/agency_attachments/5VspLzgrB7PML1PH6Ix6.png)
