തൃശൂര്: കനത്ത മഴ തുടര്ന്ന് തൃശൂര് ജില്ലയിലെ വിദ്യാഭ്യാസ സ്ഥാപനങ്ങള്ക്കും ചൊവ്വാഴ്ച അവധി പ്രഖ്യാപിച്ചു.
അങ്കണവാടികള്, പ്രഫഷണല് കോളജുകള്, സ്കൂളുകള് എന്നിവയുള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്. എറണാകുളം ജില്ലയിലെ വിദ്യാഭ്യാസ സ്ഥാപനങ്ങള്ക്കും ചൊവ്വാഴ്ച അവധിയാണ്.
സംസ്ഥാനത്തിന്റെ വിവിധ ജില്ലകളില് കനത്ത മഴ തുടരുകയും, കോട്ടയം ജില്ലകളില് റെഡ് അലര്ട്ട് പ്രഖ്യാപിക്കുകയും ചെയ്ത സാഹചര്യത്തില് എംജി സര്വകലാശാല ചൊവ്വാഴ്ച നടത്താനിരുന്ന എല്ലാ പരീക്ഷകളും മാറ്റിവച്ചിട്ടുണ്ട്. പുതുക്കിയ തീയതി പിന്നീട് അറിയിക്കുമെന്ന് അധികൃതര് വ്യക്തമാക്കി.
ചൊവ്വാഴ്ച വിവിധ ജില്ലകളില് കാലാവസ്ഥാ നിരീക്ഷണകേന്ദ്രം റെഡ് അലര്ട്ട് പ്രഖ്യാപിച്ചിട്ടുണ്ട്. എറണാകുളം, ഇടുക്കി, തൃശൂര്, പാലക്കാട്, മലപ്പുറം ജില്ലകളിലാണു ചൊവ്വാഴ്ച റെഡ് അലര്ട്ട് പ്രഖ്യാപിച്ചിരിക്കുന്നത്.