കോഴിക്കോട്: എലത്തൂരിലെ ഓട്ടോ ഡ്രൈവറുടെ മരണം പൊള്ളലേറ്റതല്ല , മര്ദ്ദനത്തെ തുടര്ന്നെന്ന് സംശയം. തീ കൊളുത്തി ആത്മഹത്യക്ക് ശ്രമിച്ച എലത്തൂര് എസ്കെ ബസാര് സ്വദേശി രാജേഷിന്റെ മരണത്തിലാണ് ഡോക്ടര്മാര് ഈ സംശയം പ്രകടിപ്പിക്കുന്നത്.
പൊള്ളലേറ്റാണ് രാജേഷ് മരണപ്പെട്ടത് എന്നായിരുന്നു പുറത്തു വന്ന വാര്ത്ത. എന്നാല് പൊള്ളലേറ്റതല്ല ആന്തരിക ക്ഷതമാണ് മരണകാരണമായത് എന്നാണ് ഡോക്ടര്മാരുടെ നിഗമനം. രാജേഷിന്റെ പോസ്റ്റ്മോര്ട്ടം റിപ്പോര്ട്ട് പുറത്തു വന്നാല് മാത്രമേ ഇക്കാര്യത്തില് കൂടുതല് വ്യക്തത വരൂ.
ഇക്കഴിഞ്ഞ പതിനഞ്ചാം തീയതിയാണ് എലത്തൂരില് വച്ച് ബിജെപി പ്രവര്ത്തകനും ഓട്ടോറിക്ഷ ഡ്രൈവറുമായ രാജേഷിനെ സിപിഎം പ്രാദേശിക നേതാക്കളും സിഐടിയുകാരും അടങ്ങുന്ന സംഘം മര്ദ്ദിച്ചത്.
സിപിഎം പ്രവര്ത്തകരുടെ വളഞ്ഞിട്ടുള്ള മര്ദ്ദനത്തില് മനംനൊന്ത രാജേഷ് ഓട്ടോയില് സൂക്ഷിച്ചിരുന്ന പെട്രോള് ഒഴിച്ച് തീ കൊളുത്തുകയായിരുന്നു. കോഴിക്കോട് മെഡിക്കല് കോളേജില് ഒരാഴ്ചയോളം ചികിത്സയില് തുടര്ന്ന രാജേഷ് ഇന്നലെ രാത്രിയാണ് മരണപ്പെട്ടത്.