ചെന്നൈ: സൂപ്പര് സ്റ്റാര് രജനികാന്ത് വേഗം സുഖം പ്രാപിക്കട്ടെയെന്ന ആശംസയുമായി നടന് കമല്ഹാസന്. സ്റ്റൈല് മന്നന് എത്രയും വേഗം സുഖം പ്രാപിക്കട്ടെയെന്ന് കമല് ട്വീറ്റ് ചെയ്തു. തമിഴിലായിരുന്നു മക്കള് നീതിമെയ്യം നേതാവ് കൂടിയായ കമലിന്റെ ട്വീറ്റ്.
വെള്ളിയാഴ്ച രാവിലെയാണ് രജനീകാന്തിനെ രക്തസമ്മര്ദത്തില് ഏറ്റക്കുറച്ചില് കണ്ടെത്തിയതിനെ തുടര്ന്ന്ആശുപത്രിയില് പ്രവേശിപ്പിച്ചത്. ഹൈദരാബാദിലെ അപ്പോളോ ആശുപത്രിയിലാണ് അദ്ദേഹം ചികിത്സയിലുള്ളത്. അദ്ദേഹത്തിന്റെ ആരോഗ്യ നിലയില് ആശങ്കപ്പെടേണ്ടതില്ലെന്ന് ആശുപത്രിവൃത്തങ്ങള് അറിയിച്ചു.