തിരുവനന്തപുരം: വോട്ടര് പട്ടികയിലെ ക്രമക്കേടുമായി ബന്ധപ്പെട്ട് ഒന്പത് ജില്ലകളിലെ പത്ത് നിയമസഭാ മണ്ഡലങ്ങളിലെ വിവരങ്ങള് കൂടി പ്രതിപക്ഷ നേതാവ് രമേശ് ചെന്നിത്തല തിരഞ്ഞെടുപ്പ് കമ്മീഷന് കൈമാറി. കഴിഞ്ഞ ദിവസം അഞ്ചു മണ്ഡലങ്ങളിലെ വിവരങ്ങള് കൈമാറിയിരുന്നു.
ഇതോടെ സംസ്ഥാനത്തെ എല്ലാ ജില്ലകളിലും വോട്ടര് പട്ടികയില് വന്തോതില് ഇരട്ടിപ്പും ക്രമക്കേടും കണ്ടെത്തിയിരിക്കുകയാണെന്ന് അദ്ദേഹം പ്രസ്താവനയില് അവകാശപ്പെട്ടു. വ്യാഴാഴ്ച നല്കിയ വിവരങ്ങളനുസരിച്ച് ഏറ്റവും കൂടുതല് വ്യാജ വോട്ടര്മാരെ കണ്ടെത്തിയത് തവന്നൂരാണ്.