റാഞ്ചി: നാലുവയസുകാരിയെ ബലാത്സംഗം ചെയ്യാന് ശ്രമിച്ച അയല്വാസിയെ പൊലീസ് അറസ്റ്റ് ചെയ്തു. ജാര്ഖണ്ഡിലെ രാംഗഡ് ജില്ലയിലാണ് സംഭവം.
അജയ് തൂരിയെന്നയാളാണ് പൊലീസിന്റെ പിടിയിലായത്. വീടിന് പുറത്ത് കളിച്ചുകൊണ്ടിരുന്ന കുട്ടിയെ വീട്ടിലേക്ക് കൂട്ടികൊണ്ടുപോയി ബലാത്സംഗം ചെയ്യാന് ശ്രമിക്കുകയുമായിരുന്നു. കുട്ടി കരഞ്ഞുകൊണ്ട് വീട്ടിലേക്ക് വരികയും മാതാവിനോട് സംഭവം വിശദീകരിക്കുകയുമായിരുന്നുവെന്ന് പിതാവ് പൊലീസിനോട് പറഞ്ഞു.
സംഭവം അറിഞ്ഞ് പ്രകോപിതരായ നാട്ടുകാര് ഇയാളെ പിടികൂടി പൊലീസിനെ ഏല്പ്പിച്ചു. പോക്സോ വകുപ്പുകള് ഉള്പ്പെടെ ചുമത്തി അജയ് തൂരിക്കെതിരെ കേസെടുത്തതായി പൊലീസ് പറഞ്ഞു.