ശബരിമല മകരവിളക്ക് ഉത്സവത്തിനായി നാളെ തുറക്കും; വ്യാഴാഴ്ച മുതല്‍ തീര്‍ത്ഥാടകരെ പ്രവേശിപ്പിക്കും,ദിവസേന 5000 പേര്‍ക്ക് പ്രവേശനം

പത്തനംതിട്ട: ശബരിമല ക്ഷേത്രനട മകരവിളക്ക് ഉത്സവത്തിനായി നാളെ തുറക്കും. വ്യാഴാഴ്ച മുതല്‍ തീര്‍ത്ഥാടകരെ പ്രവേശിപ്പിക്കും. ദിവസേന 5000 പേര്‍ക്കാണ് പ്രവേശനം.

ശബരിമല പ്രവേശനത്തിനുള്ള വെര്‍ച്ച്‌വല്‍ ബുക്കിങ് www.sabarimala online.org എന്ന വെബ്സൈറ്റില്‍ തിങ്കളാഴ്ച മുതല്‍ ആരംഭിച്ചു.

ദര്‍ശനത്തിനെത്തുന്നവര്‍ക്ക് 48 മണിക്കൂറിനുള്ളില്‍ നടത്തിയ കോവിഡ് ആര്‍ടിപിസിആര്‍/ ആര്‍ടി ലാബ്/ എക്സ്പ്രസ്സ് നാറ്റ് നെ​ഗറ്റീവ് സര്‍ട്ടിഫിക്കറ്റ് നിര്‍ബന്ധമാണ്. നിലയ്ക്കലില്‍ പരിശോധനാ സംവിധാനം ഉണ്ടാകില്ല.