ഡെറാഡൂണ്: ക്വാറന്റീന് കേന്ദ്രത്തില് ആറ് വയസ്സുകാരി പാമ്പ് കടിയേറ്റ് മരിച്ചു. ഉത്തരാഖണ്ഡിലെ ബേട്ടല്ഘാട്ടിലെ താത്കാലിക ക്വാറന്റീന് കേന്ദ്രത്തിലാണ് സംഭവം. ന്യൂഡല്ഹിയിൽ നിന്നെത്തിയ പെൺകുട്ടിയും കുടുംബവും സര്ക്കാര് തയ്യാറാക്കിയ ക്വാറന്റീന് കേന്ദ്രത്തില് കഴിയുന്നതിനിടെയാണ് ദാരുണമായ സംഭവം നടന്നത്. സംഭവത്തില് രണ്ട് പേര്ക്കെതിരേ കേസെടുത്തതായി പൊലീസ് അറിയിച്ചു.
രാത്രി കുടുംബത്തോടൊപ്പം ഉറങ്ങുന്നതിനിടെയാണ് പെണ്കുട്ടിക്ക് പാമ്പ് കടിയേറ്റത്. പാമ്പ് കടിച്ചത് ശ്രദ്ധയില്പ്പെട്ടതോടെ സമീപത്തെ സാമൂഹികാരോഗ്യ കേന്ദ്രത്തിലെത്തിച്ചെങ്കിലും മരണം സംഭവിച്ചിരുന്നു. ഉദ്യോഗസ്ഥരുടെ അനാസ്ഥയാണ് പെണ്കുട്ടിയുടെ മരണത്തിനിടയാക്കിയതെന്നാണ് ആരോപണം.
ഒരു സ്കൂൾ കെട്ടിടമാണ് അധികൃതര് താത്കാലിക ക്വാറന്റീന് കേന്ദ്രമാക്കി മാറ്റിയത്. ഇവിടെ പാമ്പ് ശല്യമുണ്ടെന്നും മാളങ്ങളുണ്ടെന്നും അന്തേവാസികള് നേരത്തെ പരാതി ഉന്നയിച്ചിരുന്നുവെന്നാണ് റിപ്പോർട്ടുകൾ.ഇക്കാര്യത്തിൽ നടപടി സ്വീകരിക്കാൻ അധികൃതർ തയ്യാറായില്ലെന്നും ആരോപണം ഉയരുന്നു.