കൊച്ചി മരടിലെ ഫ്ളാറ്റ് സമുച്ചയങ്ങള് സുപ്രീംകോടതി നിര്ദേശമനുസരിച്ച് പൊളിച്ചുമാറ്റാനുള്ള സംസ്ഥാന സര്ക്കാര് നടപടിയില് പ്രതിഷേധവുമായി നടന് സൗബിന് ഷാഹിര് രംഗത്ത്.
സൗബിന് ഉള്പ്പെടെയുള്ള ചില സിനിമാപ്രവര്ത്തകരും നിര്മ്മാണത്തില് നിയമലംഘനം ആരോപിക്കപ്പെട്ട ഫ്ളാറ്റുകളിലെ താമസക്കാരാണ്. വാങ്ങുന്നതിന് മുന്പ് അവിടെ താമസിച്ചിരുന്ന സുഹൃത്തുക്കളോടും മറ്റും അന്വേഷണം നടത്തിയിരുന്നുവെന്നും പ്രശ്നങ്ങളൊന്നും ശ്രദ്ധയില് പെട്ടിരുന്നില്ലെന്നും സൗബിന് ഷാഹിര് മാധ്യമപ്രവര്ത്തകരോട് പറഞ്ഞു.
ഇനിയും കുറേ കഷ്ടപ്പെട്ടാലേ ഇതിന്റെ ലോണ് ഒക്കെ അടയ്ക്കാന് പറ്റൂ.താമസക്കാരായ തങ്ങള്ക്ക് ഇതുവരെ നോട്ടീസ് ലഭിച്ചിട്ടില്ലെന്നും. മാധ്യമങ്ങളിലൂടെ അറിയുന്നതല്ലാതെ ഞങ്ങള്ക്ക് ഇതുവരെ നോട്ടീസ് ഒന്നും ലഭിച്ചിട്ടില്ല. നടപടി എടുക്കുമ്പോള് ഞങ്ങളുടെ കാര്യംകൂടി നോക്കണ്ടേ? എത്രയോ അധികം കുടുംബങ്ങള് ഇവിടെ താമസിക്കുന്നുണ്ട്?", സൗബിന് ചോദിക്കുന്നു.