ശ്രീലങ്ക-ഇന്ത്യ ടി-20: കൊവിഡ് ബാധിച്ച ഓൾറൗണ്ടർ കൃണാൽ പാണ്ഡ്യയുമായി അടുത്ത സമ്പർക്കത്തിലുണ്ടായിരുന്ന 8 പേർ ഇന്ന് നടക്കുന്ന രണ്ടാം ടി-20യിൽ കളിക്കില്ലെന്ന് റിപ്പോർട്ട്

കൊവിഡ് ബാധിച്ച ഓൾറൗണ്ടർ കൃണാൽ പാണ്ഡ്യയുമായി അടുത്ത സമ്പർക്കത്തിലുണ്ടായിരുന്ന 8 പേർ ഇന്ന് നടക്കുന്ന രണ്ടാം ടി-20യിൽ കളിക്കില്ലെന്ന് റിപ്പോർട്ട്. ഇവരുടെയെല്ലാം കൊവിഡ് പരിശോധനാഫലം നെഗറ്റീവാണ്.

പക്ഷേ, മുൻകരുതൽ എന്ന നിലയിൽ താരങ്ങൾ രണ്ടാം ടി-20യിൽ കളത്തിലിറങ്ങില്ലെന്ന് ടീമുമായി അടുത്ത വൃത്തങ്ങൾ അറിയിച്ചതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു.

മൂന്ന് മത്സരങ്ങൾ അടങ്ങിയ പരമ്പരയിലെ ആദ്യ മത്സരം അവസാനിച്ചപ്പോൾ ഇന്ത്യ 1-0നു മുന്നിലാണ്. ആരൊക്കെയാണ് കൃണാലുമായി അടുത്ത സമ്പർക്കം പുലർത്തിയ 8 പേർ എന്നത് വ്യക്തമല്ല. പാണ്ഡ്യ സഹോദരന്മാരുടെ അടുത്ത സുഹൃത്തായ മലയാളി താരം സഞ്ജു സാംസൺ ഇവരിലുണ്ടോ എന്ന ആശങ്ക നിലനിൽക്കുന്നുണ്ട്.

ലോകകപ്പിനുള്ള ഇന്ത്യൻ ടി-20 ടീമിൽ ഇടം നേടാനുള്ള അവസരമായിരുന്നു ഈ പരമ്പര. പരമ്പരയിലെ ആദ്യ മത്സരത്തിൽ 27 റൺസെടുത്ത സഞ്ജു ഭേദപ്പെട്ട പ്രകടനം കാഴ്ചവച്ചിരുന്നു. ഇന്ന് ടീമിൽ ഇടം ലഭിച്ചില്ലെങ്കിൽ ടീമിലേക്ക് തിരിച്ചുവരവ് വളരെ ബുദ്ധിമുട്ടാവും.

ആദ്യ മൽസരത്തിൽ ഇന്ത്യ ശ്രീലങ്കയെ 38 റൺസിനാണ് തോൽപ്പിച്ചത്. ​​​​​​​മ​​​​​​​ത്സ​​​​​​​ര​​​​​​​ത്തി​​​​​​​ൽ ബൗ​​​​​​​ള​​​​​​​ർ​​​​​​​മാ​​​​​​​രു​​​​​​​ടെ മി​​​​​​​ക​​​​​​​വി​​​​​​​ലായിരുന്നു ഇ​​​​​​​ന്ത്യയുടെ ജയം. ഇ​​​​​​​ന്ത്യ മു​​​​​​​ന്നോ​​​​​​​ട്ടു​​​​​​​വെച്ച 165 റ​​​​​​​ൺ​സി​​​​​​​ന് മ​​​​​​​റു​​​​​​​പ​​​​​​​ടി ബാറ്റിംഗിന് ഇറങ്ങിയ ശ്രീ​​​​​​​ല​​​​​​​ങ്ക 18.3 ഓ​​​​​​​വ​​​​​​​റി​​​​​​​ൽ 126 റ​​​​​​​ൺ​സി​​​​​​​നു എ​​​​​​​ല്ലാ​​​​​​​വ​​​​​​​രും പു​​​​​​​റ​​​​​​​ത്താ​​​​​​​യി.

ശ്രീ​​​​​​​ല​​​​​​​ങ്ക​​​​​​​യ്ക്കാ​​​​​​​യി ച​​​​​​​രി​​​​​​​ത അ​​​​​​​സ​​​​​​​ര​​​​​​​ങ്ക 26 പ​​​​​​​ന്തി​​​​​​​ൽ 44 റ​​​​​​​ൺ​സു​​​​​​​മാ​​​​​​​യി മി​​​​​​​ക​​​​​​​ച്ച പ്ര​​​​​​​ക​​​​​​​ട​​​​​​​നം ന​​​​​​​ട​​​​​​​ത്തി. 3.3 ഓ​​​​​​​വ​​​​​​​റി​​​​​​​ൽ 22 റ​​​​​​​ൺ​സ് വ​​​​​​​ഴ​​​​​​​ങ്ങി നാ​​​​​​​ലു വി​​​​​​​ക്ക​​​​​​​റ്റ് വീ​​​​​​​ഴ്ത്തി​​​​​​​യ ഭു​​​​​​​വ​​​​​​​നേ​​​​​​​ശ്വ​​​​​​​ർ കു​​​​​​​മാ​​​​​​​റാ​​​​​​​ണ് മാ​​​​​​​ൻ ഓ​​​​​​​ഫ് ദ ​​​​​​​മാ​​​​​​​ച്ച്‌. ദീ​​​​​​​പ​​​​​​​ക് ചാ​​​​​​​ഹ​​​​​​​ർ ര​​​​​​​ണ്ടു വി​​​​​​​ക്ക​​​​​​​റ്റ് നേ​​​​​​​ടി.