ന്യൂഡല്ഹി: നേതാജി സുഭാഷ് ചന്ദ്രബോസിന്റെ ചിത്രത്തിന് പകരം രാഷ്ട്രപതി രാംനാഥ് കോവിന്ദ് അനാച്ഛാദനം ചെയ്തത് ബംഗാളി നടന്റെ ചിത്രമെന്ന് ആരോപണം.
സുഭാഷ് ചന്ദ്രേബാസിന്റെ ബയോപികില് നേതാജിയുടെ വേഷം ചെയ്ത പ്രസന്ജിത് ചാറ്റര്ജിയുടെ ചിത്രമാണ് രാഷ്ട്രപതി ഭവനില് അനാച്ഛാദനം ചെയ്തതെന്നാണ് സാമൂഹിക മാധ്യമങ്ങളില് ഉയരുന്ന വാദം.
125ാം ജന്മദിനത്തോട് അനുബന്ധിച്ച് രാഷ്ട്രപതി ഭവനില് ജനുവരി 23നാണ് നേതാജിയുടെ ഛായാചിത്രം അനാച്ഛാദനം ചെയ്തത്. രാഷ്ട്രപതിയുടെ ഒൗദ്യോഗിക ട്വിറ്റര് അക്കൗണ്ടില് ചടങ്ങിന്റെ ചിത്രം പങ്കുവെച്ചിരുന്നു. ഇതോടെയാണ് ചിത്രം മാറിയെന്ന വാദവുമായി മഹുവ മൊയ്ത്ര എം.പി ഉള്പ്പെടെ നിരവധി പ്രമുഖര് രംഗത്തെത്തിയത്.