തിരൂരിൽ പ്ലസ് ടു വിദ്യാർഥിനി സ്കൂൾ കെട്ടിടത്തിൽ നിന്നും ചാടി ജീവനൊടുക്കാൻ ശ്രമിച്ചു

മലപ്പുറം: തിരൂരിൽ പ്ലസ് ടു വിദ്യാർഥിനി സ്കൂൾ കെട്ടിടത്തിൽ നിന്നും ചാടി ജീവനൊടുക്കാൻ ശ്രമിച്ചു. സ്കൂളിന്‍റെ രണ്ടാം നിലയിൽ നിന്നാണ് വിദ്യാർഥിനി ചാടിയത്. കുട്ടിയെ കോട്ടയ്ക്കലിലെ സ്വകാര്യ ആശുപത്രിയിൽ പ്രവേശിപ്പിച്ചു. പരിക്ക് സാരമുള്ളതല്ല.

നിറമരുതൂർ സ്വദേശിനിയായ വിദ്യാർഥിനി ജീവനൊടുക്കാൻ ശ്രമിച്ചതിന്‍റെ കാരണം വ്യക്തമല്ല. പോലീസ് സ്കൂളിലെത്തി പരിശോധന നടത്തി. സ്കൂൾ അധികൃതരിൽ നിന്നും മൊഴിയെടുത്തിട്ടുണ്ട്.