തിരുവനന്തപുരം: സംസ്ഥാനത്തു പകല് താപനില ഉയരുന്നതിനാല് വെയിലത്ത് ജോലി ചെയ്യുന്ന തൊഴിലാളികളുടെ ജോലി സമയം പുനഃക്രമീകരിച്ച് ലേബര് കമ്മീഷണര് പ്രണബ്ജ്യോതി നാഥ് ഉത്തരവിറക്കി.
ഫെബ്രുവരി 11 മുതല് ഏപ്രില് 30 വരെ പകല് ഷിഫ്റ്റില് ജോലി ചെയ്യുന്നവര്ക്ക് ഉച്ചയ്ക്ക് 12 മുതല് മൂന്നു വരെ വിശ്രമവേളയായിരിക്കും. ഇവരുടെ ജോലി സമയം രാവിലെ ഏഴിനും വൈകിട്ട് ഏഴിനും ഇടയ്ക്ക് എട്ടു മണിക്കൂറായി നിജപ്പെടുത്തി.
സൂര്യാഘാതത്തിനുള്ള സാഹചര്യമുള്ളതിനാല് മുന്കരുതലെന്ന നിലയിലാണു തൊഴില് സമയം പുനഃക്രമീകരിച്ചത്. രാവിലെയും ഉച്ചയ്ക്കു ശേഷവുമുള്ള ഷിഫ്റ്റുകളിലെ ജോലി യഥാക്രമം ഉച്ചയ്ക്ക് 12ന് അവസാനിക്കുകയും വൈകിട്ട് മൂന്നിന് ആരംഭിക്കുകയും ചെയ്യുന്നവിധം പുനഃക്രമീകരിച്ചു.