ബംഗളൂരു : ബംഗളൂരു സൗത്തിലെ ബി.ജെ.പി സ്ഥാനാര്ത്ഥി തേജസ്വി സൂര്യയെ ട്രോളി നടി സ്വര ഭാസ്കര്. ഹിന്ദു മഹാസഭാ നേതാവ് എന്.ബി ഖാരെയുടെ വാക്കുകള് ജവഹര്ലാല് നെഹ്റുവിന്റെ ഉദ്ധരണിയെന്നു പറഞ്ഞ് ട്വീറ്റു ചെയ്തതിനാണ് തേജസ്വിയെ സ്വര കളിയാക്കിയത്.
‘വിദ്യാഭ്യാസം കൊണ്ട് ഞാനൊരു ഇംഗ്ലീഷുകാരനാണ്, കാഴ്ചപ്പാടുകൊണ്ട് ഒരു ഇന്റര്നാഷണലിസ്റ്റും. സംസ്കാരം കൊണ്ട് മുസ്ലീമും ജന്മംകൊണ്ട് മാത്രം ഹിന്ദുവും- ജവഹര്ലാല് നെഹ്റു’ എന്നായിരുന്നു തേജസ്വി സൂര്യയുടെ ട്വീറ്റ്.
‘ഒരു പ്രസ്താവനയെ എത്രതവണ ഫാക്ട് ചെക്ക് നടത്താം!!! ഇത് പറഞ്ഞത് മറ്റാരുമല്ല 1959ല് ഹിന്ദു മഹസഭാ നേതാവ് എന്.ബി ഖാരെയാണ്. പഠിച്ചിട്ട് എഴുതൂ സംഘികളെ’ എന്നാണ് സ്വരയുടെ പരിഹാസം.