കോഴിക്കോട്: താമരശേരി ചുരത്തില് വീണ്ടും മണ്ണിടിഞ്ഞു. ചുരത്തിലെ ഏഴ്, എട്ട് വളവുകളിലാണ് മണ്ണിടിഞ്ഞത്. ഇവിടെ നിര്മാണ പ്രവര്ത്തനങ്ങള് നടക്കുകയാണ്. മൂന്ന് ദിവസങ്ങള്ക്ക് മുന്പ് ഇവിടെ മണ്ണിടിഞ്ഞിരുന്നു.
നിര്മാണ പ്രവര്ത്തനങ്ങള് നടക്കുന്ന സാഹചര്യത്തില് നിലവില് ചുരത്തില് ഭാരം കയറ്റിയ വാഹനങ്ങള്ക്കും ബസുകള്ക്കും ഒരുമാസത്തെ നിയന്ത്രണം ഏര്പ്പെടുത്തിയിരുന്നു. മണ്ണിടിയുന്നത് തുടരുന്ന സാഹചര്യത്തില് ചുരം വഴിയുള്ള ഗതാഗതത്തില് കൂടുതല് നിയന്ത്രണം ഏര്പ്പെടുത്തേണ്ടി വരുമെന്ന് സംസ്ഥാന പൊതുമരാമത്ത് വകുപ്പ് അറിയിച്ചു.