കൊച്ചി: യുഎപിഎ നിയമത്തിനെതിരെ രൂക്ഷ വിമര്ശനങ്ങളുമായി മുതിര്ന്ന അഭിഭാഷകന് പ്രശാന്ത് ഭൂഷന്. യുഎപിഎയിലെ പുതിയ ഭേദഗതി അനുസരിച്ച് ആരെയും തീവ്രവാദിയായി മുദ്രകുത്തി ജയിലിലടക്കാമെന്ന് അദ്ദേഹം പറഞ്ഞു.
കൊച്ചിയില് യുഎപിഎ നിയമത്തിനെതിരെ നടന്ന ബഹുജനറാലിയില് പങ്കെടുത്ത് സംസാരിക്കുകയായിരുന്നു അദ്ദേഹം.
ആര്ക്കെങ്കിലുമെതിരെ യുഎപിഎ ചുമത്തപ്പെട്ടാല് സ്വയം നിരപരാധിയാണെന്ന് തെളിയിക്കേണ്ടി വരുന്ന അവസ്ഥയാണ് ഇപ്പോള് നിലവിലുള്ളതെന്നും പ്രശാന്ത് ഭൂഷന് ചൂണ്ടിക്കാട്ടി. യുഎപിഎയും എന്എസ്എയും ഭരണഘടനാ വിരുദ്ധമാണെന്നും പ്രശാന്ത് ഭൂഷന് കൂട്ടിച്ചേര്ത്തു. .