എനിക്കു മരിക്കേണ്ട, ജീവിക്കണം ; എന്നോട് ഇതു ചെയ്തവര്‍ക്ക് വധശിക്ഷ ലഭിക്കുന്നത് എനിക്കു കാണണം ; തീ കൊളുത്തുന്നതിന് മുമ്പ് അവര്‍ എന്നെ മര്‍ദ്ദിച്ചു , കത്തികൊണ്ട് കുത്തി ; ഉന്നാവ് പെണ്‍കുട്ടിയുടെ അവസാന വാക്കുകള്‍ ഇങ്ങനെ..

ഡൽഹി: ഉന്നാവില്‍ പ്രതികള്‍ തീ കൊളുത്തിയ കൂട്ടബലാത്സംഗത്തിനിരയായ യുവതി ഹൃ​ദ​യാ​ഘാ​ത​ത്തെ തു​ട​ര്‍​ന്നാ​യി​രു​ന്നു മരണത്തിന് കീഴടങ്ങിയത്.  11.10ന് യുവതിക്ക് ഹൃദയാഘാതമുണ്ടായതായും 11.40ന് മരിക്കുകയും ചെയ്തെന്ന് ഡോ. ശലഭ് കുമാര്‍ പറഞ്ഞു.

മരണത്തിന് മുമ്പ് പെണ്‍കുട്ടി മജിസ്ട്രേറ്റിന് പ്രതികളെക്കുറിച്ച് മൊഴി നല്‍കിയെന്നാണ് സൂചന. തീ കൊളുത്തുന്നതിന് മുമ്പ് തന്നെ മര്‍ദിച്ചെന്നും കത്തികൊണ്ട് ആക്രമിച്ചെന്നും പെണ്‍കുട്ടി മൊഴി നൽകിയിരുന്നു.

‘എ​നി​ക്കു മ​രി​ക്ക​ണ്ട, എ​ന്നെ ര​ക്ഷി​ക്ക​ണം. എ​ന്നോ​ട് ഇ​തു ചെ​യ്ത​വ​ര്‍​ക്ക് വ​ധ​ശി​ക്ഷ ല​ഭി​ക്കു​ന്ന​ത് എ​നി​ക്കു കാ​ണ​ണം’ എന്നായിരുന്നു മരിക്കുന്നതിന് മുൻപ് പെൺകുട്ടി സഹോദരനോട് പറഞ്ഞത്.

കേ​സി​ന്‍റെ ആ​വ​ശ്യ​ത്തി​നാ​യി കോ​ട​തി​യി​ലേ​ക്കു പോ​ക​വെ​യാ​ണ് പെ​ണ്‍​കു​ട്ടി​യെ പ്ര​തി​ക​ളു​ള്‍​പ്പെ​ടെ​യു​ള്ള അ​ഞ്ചം​ഗ​സം​ഘം ത​ട്ടി​ക്കൊ​ണ്ടു​പോ​യി തീ ​കൊ​ളു​ത്തി​യ​ത്. ഉ​ന്നാ​വോ​യി​ലെ ഹി​ന്ദു​ന​ഗ​റി​ല്‍വെച്ചായിരുന്നു സംഭവം.

ഹ​രി​ശ​ങ്ക​ര്‍ ത്രി​വേ​ദി, രാം ​കി​ഷോ​ര്‍ ത്രി​വേ​ദി, ഉ​മേ​ഷ് ബാ​ജ്പേ​യി, ശി​വം ത്രി​വേ​ദി, ശു​ഭം ത്രി​വേ​ദി എ​ന്നി​വ​രാ​ണ് അ​ക്ര​മി​ക​ള്‍. അ​ഞ്ചു പ്ര​തി​ക​ളെ​യും അ​റ​സ്റ്റ് ചെ​യ്തു​വെ​ന്ന് ഡി​ജി​പി ഒ.​പി. സിം​ഗ് അ​റി​യി​ച്ചു.ശ​രീ​ര​ത്തി​ല്‍ 90 ശ​ത​മാ​ന​ത്തോ​ളം പൊ​ള്ള​ലേ​റ്റ നി​ല​യി​ലാ​യി​രു​ന്നു പെ​ണ്‍​കു​ട്ടി.