മലപ്പുറം: വളാഞ്ചേരിയില്‍ നാല് പെണ്‍മക്കളെ ലൈംഗികമായി പീഡിപ്പിച്ച അച്ഛന്‍ പൊലീസ് പിടിയില്‍. 47കാരനായ പ്രതി തന്‍റെ 17, 15, 13, 10 വയസ് പ്രായമുള്ള പെണ്‍മക്കളെയാണ് കഴിഞ്ഞ ഒരു വര്‍ഷത്തോളമായി പലവട്ടം ശാരീരികമായി പീഡിപ്പിച്ചത്. തിരുവനന്തപുരം സ്വദേശിയായ ഇയാള്‍ ക്വാറി തൊഴിലാളി ആണ്. പ്രതിക്ക് എതിരെ പോക്സോ, ഐപിസി 355 എ വകുപ്പുകള്‍ പ്രകാരമാണ് കേസ് എടുത്തിരിക്കുന്നത്.
/sathyam/media/post_attachments/l73VODLt4qLlPTKB8657.jpg "publive-image")
ഹോസ്റ്റലില്‍ താമസിച്ച്‌ പഠിക്കുകയായിരുന്ന കുട്ടികള്‍ അച്ഛന്‍ ഉപദ്രവിക്കുന്ന കാര്യം ആദ്യം പറഞ്ഞത് സ്കൂള് ഹോസ്റ്റല്‍ അധികൃതരോട് ആയിരുന്നു. അവധി ദിവസങ്ങളില്‍ വീട്ടില്‍ പോകാന്‍ മടിച്ചിരുന്ന കുട്ടികളോട് കാര്യം അന്വേഷിച്ചപ്പോളാണ് അച്ഛന്‍റെ ക്രൂരതകള്‍ ഹോസ്റ്റല്‍ അധികൃതര്‍ അറിഞ്ഞത്.
തന്നെ അനുസരിക്കാന്‍ വയ്യെങ്കില്‍ വീട്ടിലേക്ക് വരേണ്ടെന്ന് ഇയാള്‍ കുട്ടികളെ ഭീഷണിപ്പെടുത്തുകയും ചെയ്തിരുന്നു. ഒരു വര്‍ഷം മുമ്പാണ് പ്രതി കുട്ടികളെ ശാരീരികമായി ഉപദ്രവിക്കാന്‍ തുടങ്ങിയത്. പത്തുവയസുകാരിയാണ് ആദ്യം പീഡനവിവരം സ്കൂള് അധികൃതരോട് പറഞ്ഞത്.
പിന്നാലെ മറ്റുകുട്ടികളോട് അദ്ധ്യാപകര്‍ കൂടുതല്‍ വിവരം ആരാഞ്ഞപ്പോള്‍ ലൈംഗിക പീഡനത്തിന് ഇരയായതായി കുട്ടികള്‍ സമ്മതിക്കുകയായിരുന്നു. പിന്നാലെ പൊലീസ് പോക്സോ വകുപ്പ് ചുമത്തി കേസെടുത്തു.
വീട്ടുജോലികള്‍ക്ക് പോയിരുന്നതിനാല്‍ കുട്ടികളുടെ അമ്മ ഇക്കാര്യങ്ങള്‍ ഒന്നും അറിഞ്ഞിരുന്നില്ല എന്നാണ് പൊലീസ് പറയുന്നത്. ഇവര്‍ വീട്ടില്‍ ഇല്ലാത്ത സമയത്തായിരുന്നു അതിക്രമം നടത്തിയിരുന്നത്. പഠനം പൂര്‍ത്തിയാക്കിയ 17കാരിയായ മൂത്ത മകളാണ് ഏറ്റവുമധികം ലൈംഗിക അതിക്രമങ്ങള്‍ക്ക് ഇരയായത്.
Follow Us/sathyam/media/agency_attachments/5VspLzgrB7PML1PH6Ix6.png)
