വാവ സുരേഷിന് പലപ്പോഴായി പാരിതോഷികമായി കിട്ടിയത് 3 കോടിയോളം രൂപ ; ഒരു രൂപ പോലും സ്വന്തം ആവശ്യത്തിന് ഉപയോഗിക്കായി മുഴുവനും ചിലവഴിച്ചത് നിര്‍ധനര്‍ക്കു വേണ്ടി !

തിരുവനന്തപുരം : പലപ്പോഴായി തനിക്കു കിട്ടിയ പാരിതോഷിക തുകയിൽ നിന്ന് ഒരു പൈസ പോലും സ്വന്തമായി എടുക്കാതെ നിര്ധനരായവർക്ക് നൽകി വാവ സുരേഷ് മാതൃകയാകുന്നു . ലയൺസ് ക്ലബ് ഇന്റർനാഷണലിൽ നിന്നും പാരിതോഷികമായി ലഭിച്ച തുകയും നിർധനരായ വ്യക്തിക്കൾക്ക് വീട് വയ്ക്കാൻ നൽകുമെന്ന് വാവ സുരേഷ് പറഞ്ഞു .

മികച്ച പരിസ്ഥിതി സൗഹൃദ പ്രവർത്തനങ്ങൾക്കുള്ള ലയൺസ് ക്ലബ് എക്സലൻസ് അവാർഡാണ് വാവ സുരേഷിന് ലഭിച്ചത്. ഉപലോകായുക്ത ജസ്റ്റിസ് കെ ബഷീറാണ് അവാർഡ് സമ്മാനിച്ചത്.

ഇതിനുമുൻപും പൊതുജന സേവനത്തിനിടെ ലഭിച്ചിട്ടുള്ള തുകയുപയോഗിച്ച് നിരവധിപ്പേരെ വാവ സഹായിച്ചിട്ടുണ്ട്.

പാവപ്പെട്ട കുടുംബത്തിലെ പെൺകുട്ടികളെ വിവാഹാവിശ്യങ്ങൾക്കും,​ നിർധനർക്ക് വീടുവച്ച് നൽകാനുമൊക്കെയായി ഇതുവരെ മൂന്ന് കോടി 32 ലക്ഷം രൂപയാണ് വാവ സുരേഷ് ചിലവാക്കിയിട്ടുണ്ട്