തിരുവനന്തപുരം: പ്രധാനമന്ത്രി നരേന്ദ്ര മോദിയുടെ ആഹ്വാനം രാജ്യത്തെ ഒരുമയുടെ സന്ദേശമാണെന്ന് കൃഷിമന്ത്രി വി.എസ്.സുനില്കുമാര്.
കൊറോണ പ്രതിരോധത്തില് പ്രധാനമന്ത്രിയുടെ എല്ലാ നിര്ദേശങ്ങളും കേരളം സ്വാഗതം ചെയ്തിട്ടുണ്ട്. വെളിച്ചം തെളിയിക്കാനുള്ള പ്രധാനമന്ത്രിയുടെ ആഹ്വാനം പാലിക്കുമെന്നും വി.എസ്.സുനില്കുമാര് പറഞ്ഞു.
കൊറോണ വൈറസ് പകര്ത്തിയ ഇരുട്ടില് നിന്നും രാജ്യത്തെ വെളിച്ചത്തിലേക്ക് നയിക്കാന് എല്ലാവരും ഞായറാഴ്ച രാത്രി ഒന്പതിന് വീടുകളില് ടോര്ച്ച്, മൊബൈല് ലൈറ്റ്, മെഴുകുതിരി എന്നിവയില് ഏതെങ്കിലും തെളിയിക്കണമെന്നും ആ വെളിച്ചം ഐക്യത്തിന്റെ വെളിച്ചമാണെന്നും പ്രധാനമന്ത്രി രാജ്യത്തിന് നല്കിയ സന്ദേശത്തില് വ്യക്തമാക്കിയിരുന്നു.