ബംഗളൂരു: മയക്കുമരുന്ന് കേസുമായി ബന്ധപ്പെട്ട് എന്സിബി ചോദ്യം ചെയ്യുന്ന ബിനീഷ് കോടിയേരിയുടെ കസ്റ്റഡി കാലാവധി വെള്ളിയാഴ്ച തീരും. അതേസമയം, കസ്റ്റഡി നീട്ടിക്കിട്ടാന് എന്സിബി ആവശ്യപ്പെടുമെന്നും സൂചനയുണ്ട്.
കോടതിയുടെ അനുമതിയോടെ മൂന്നു ദിവസമായി ബംഗളൂരു യെലഹങ്കയിലെ എന്സിബി ഓഫിസില് ബിനീഷിനെ ചോദ്യം ചെയ്തുവരുകയാണ്. എന്നാല് ബിനീഷ് ഇതിനോട് സഹകരിക്കുന്നില്ലെന്ന് ഉദ്യോഗസ്ഥര് അറിയിച്ചിരുന്നു.
കള്ളപ്പണം വെളുപ്പിക്കല് കേസില് ഒക്ടോബര് 29ന് എന്ഫോഴ്സ്മെന്റ് ഡയറക്ടറേറ്റ് (ഇഡി) അറസ്റ്റ് ചെയ്ത ബിനീഷിന്റെ ജുഡീഷ്യല് കസ്റ്റഡി 25 വരെയാണ്.
അതേസമയം, ലഹരിമരുന്ന് കടത്തുമായി ബന്ധപ്പെട്ട പണമിടപാട് കേസിൽ ബിനീഷ് സമർപ്പിച്ച മുൻകൂർ ജാമ്യാപേക്ഷ പരിഗണിക്കുന്നത് കർണ്ണാടക ഹൈക്കോടതി ചൊവ്വാഴ്ചത്തേക്ക് മാറ്റി.