നാലായിരം തികച്ചപ്പോള്‍ മഹാനടന് പത്മഭൂഷന്‍ !! കഥാപാത്രത്തിനനുസരിച്ച് വേഷപ്പകര്‍ച്ച നടത്തുന്നവര്‍ക്ക് ലോക്സഭാ സീറ്റ്. ദാരിദ്ര്യം പറഞ്ഞ് രാജ്യത്തിന്റെ ചെങ്കോലും കിരീടവും കയ്യേന്താന്‍ ഒരുങ്ങുന്നവര്‍ക്ക് ഇനി വോട്ട് വേണോ എന്ന് ചിന്തിക്കുവാനുള്ള തെരഞ്ഞെടുപ്പ് പടിവാതില്‍ക്കല്‍ !

ദൈവം എന്നും അങ്ങനെയാണ്, ദുഷ്ടന്മാരെ പന പോലെ വളർത്തും , അതുപോലെ തന്നെ തകർക്കും. കുറച്ചൊക്കെ നാളുകൾ ദൈവം അവരെ വിലസുവാൻ അനുവദിക്കും , പക്ഷെ ഒരു പ്രത്യേക സമയം വരുമ്പോൾ എല്ലാം തകിടം മറിക്കും. ഈയടുത്തായി ലോകം മുഴുവനും ഭരണചക്രങ്ങൾ തിരിക്കുന്നത് സാത്താനെ സേവിക്കുന്നവരിൽ നിന്നുമായിരുന്നു.

ദൈവത്തിന്റെ പേര് ഉപയോഗിച്ചുകൊണ്ട് സാത്താനെ കൈവെള്ളയിൽ കൊണ്ടുനടക്കുന്ന ഒരു സമൂഹമാണ് ലോകം മുഴുവനും സൃഷ്ടിക്കപ്പെട്ടിരുന്നത്. അവർക്ക് ആർത്തവ രക്തം ഏറെ ഇഷ്ടമായിരുന്നു. കേരളത്തിലെ കൊച്ചിയിലാണ് അവരുടെ സമ്മേളനങ്ങൾ നടക്കുന്നത്. അവർക്ക് കമ്മ്യുണിസത്തെ ഏറെ ഇഷ്ടമാണ്. കാരണം അവർക്കും ദൈവം ഇല്ലല്ലോ ?

അമേരിക്കയിൽ കഴിഞ്ഞ ഒരു മാസമായി ഭരണസ്തംഭനം. ഫ്രീ മേസൺ ശക്തികളിൽ നിന്നും അമേരിക്കയെ മോചിപ്പിച്ച ട്രംപ് എന്ന കച്ചവടക്കാരൻ മെക്സിക്കൻ അതിർത്തിയിൽ ഉണ്ടാക്കുവാൻ പുറപ്പെട്ട മതിൽ ഡെമോക്രാറ്റുകൾക്ക് ഇഷ്ടപ്പെട്ടില്ലത്രേ. പക്ഷെ ശരിക്കും പറഞ്ഞാൽ ഡെമോക്രാറ്റുകളാണ് ശരി. ഇവിടെ കളിക്കുന്നത് ശരിക്കും റഷ്യയുടെ തലതൊട്ടപ്പനായ പുടിനാണ്.

പൊട്ടനെ ചെട്ടി ചതിച്ചാൽ ചെട്ടിയെ ദൈവം ചതിക്കും എന്നതിന്റെ വസ്തുത ലോകം മനസ്സിലാക്കുവാൻ പോകുന്നതേയുള്ളൂ. ഗ്ളാസ്നോസ്തും പെരിസ്ത്രോയിക്കയും റഷ്യക്ക് സമ്മാനിച്ച അമേരിക്കന്‍ പണി പുടിന്റെ വേഷത്തിൽ അമേരിക്കക്ക് കിട്ടുവാനിരിക്കുന്നതേയുള്ളൂ. ഓരോരോ അമേരിക്കക്കാരിയും ദുബായിലും മുംബൈയിലും സിങ്കപ്പൂരും തായ്‌ലാന്റിലും തുണിയുരിയുവാൻ തയ്യാറാവുന്ന നിമിഷങ്ങൾ.

ഇത്രയൊക്കെ എഴുതുവാൻ കാരണം ഇന്നത്തെ ഇന്ത്യയുടെ അവസ്ഥയോർത്താണ്. ലോകം മുഴുവൻ പറന്നു നടന്ന് ലോകം മുഴുവൻ കീഴടക്കി എന്ന് സ്വയം വിശ്വസിക്കുന്ന ഒരു സാധാരണക്കാരൻ ഭരണം കയ്യാളുന്ന ഇന്ത്യപോലുള്ള ഒരു രാജ്യത്ത് ട്വിസ്റ്റുകൾ സംഭവിക്കുന്നത് യാദൃശ്ചികമല്ല.

നമ്മുടെ രാജ്യം ഭരിക്കേണ്ടത് ശരിക്കും തറവാട്ടിൽ പിറന്നവരോ അത്യവശ്യം സ്‌കൂളിൽ പോയവരോ അല്ലെങ്കിൽ ലേശം നന്മ മനസ്സിൽ ശേഷിക്കുന്നവരോ ആയിരിക്കണം. അല്ലാതെ ചുമ്മാ റോഡിലൂടെ നടക്കുന്നവനും പോകുന്നവനും ഇന്ത്യ എന്ന മഹാരാജ്യത്തിന്റെ കിരീടവും ചെങ്കോലും കയ്യിലെടുക്കുമ്പോൾ ഇവിടെ അസഹിഷ്ണുത എന്ന ഒരു മഹാസംഭവം അരങ്ങേറിയില്ലെങ്കിൽ വലിയ അത്ഭുതമില്ല.

പണത്തിന്റെ മേലെ പരുന്തും പറക്കില്ല എങ്കിലും എല്ലാറ്റിനും ഒരതിരുണ്ട്. കേന്ദ്രത്തിലായാലും സംസ്ഥാനങ്ങളിൽ ആയാലും നഗരസഭകളിൽ ആയാലും പഞ്ചായത്തുകളിൽ ആയാലും അമ്പലക്കമ്മറ്റികളിൽ ആയാലും പള്ളിക്കമ്മറ്റികളിൽ ആയാലും കുടുംബങ്ങളിൽ ആയാലും എന്തിനധികം പറയുന്നു, സോഷ്യൽ മീഡിയ ഗ്രൂപ്പുകളിൽ ആയാലും നേതൃത്വം നൽകുന്നവർക്ക് മിനിമം നന്മകൾ ഉണ്ടായിരിക്കണം എന്നൊരു മാനദണ്ഡം ഇന്ത്യൻ ഭരണഘടനയിൽ തുന്നി ചേർക്കണം.

എല്ലാവരെയും പ്രവാചകന്മാരായോ ഹരിശ്ചന്ദ്രന്മാരായോ ഗന്ധിജിമാരായോ ജനിപ്പിക്കുന്നില്ല എങ്കിലും ഒരു മിനിമം ഗ്യാരന്റി അത്യവശ്യം തന്നെ.

ഇന്നിപ്പോൾ സ്ഥാനാർത്ഥി നിർണ്ണയങ്ങൾ നടന്നുകൊണ്ടിരിക്കുന്ന ഈ സമയങ്ങളിൽ എല്ലാ രാഷ്ട്രീയപാർട്ടികളും സ്ഥാനാർത്ഥികളുടെ ചരിത്രവും സ്വഭാവ വിശേഷങ്ങളും ഗുണഗണങ്ങളും എല്ലാം ചികഞ്ഞുനോക്കിയാവണം അവരവരുടെ പാർട്ടികളിലെ സ്ഥാനാർത്ഥികളെ നിശ്ചയിക്കേണ്ടത്.

അല്ലാതെ ഓരോരോ സിനിമാവേഷങ്ങൾക്ക് അനുസരിച്ച് വേഷപ്പകർച്ച നടത്തുന്ന സിനിമാക്കാരെയും ഭരിക്കുന്ന പാർട്ടികളുടെ അടുത്തേക്ക് ചാഞ്ഞുകൊണ്ടിരിക്കുന്ന പണച്ചാക്കുകളെയും പരമാവധി പരിഗണിക്കാതിരിക്കുക.

സ്ഥാനാർത്ഥിയാക്കുവാൻ സ്വാധീനം ചെലുത്തുവാൻ പത്മഭൂഷണുകളും പത്മ വിഭൂഷണങ്ങളും നൽകി പരമാവധി സോപ്പിട്ടിട്ടുള്ള കളികൾ ജനങ്ങൾ മനസിലാക്കുക. അതിപ്പോൾ സാക്ഷാൽ മോഹൻലാൽ ആയാലും മമ്മുട്ടിയായാലും നമ്പി നാരായണൻ ആയാലും ചുമ്മാ തിരഞ്ഞെടുപ്പുകളെ മുന്നിൽ കണ്ടുകൊണ്ട് പത്മഭൂഷൺ പങ്കുവെക്കാതിരിക്കുക.

തന്റെ ദൗത്യം 3999 നമ്പറിൽ എത്തിയപ്പോൾ മഹാനടന് ഒരു മോഹം. 4000 മത്തേത് ഒരു അറബിയായാലോ എന്ന്. "അതിനൊന്നും മെനക്കെടണ്ട. അല്ലെങ്കിൽ അനാവശ്യ ആഗ്രഹങ്ങൾ ഒഴിവാക്കുക. ഗൾഫിലെ ജയിലിനകത്തെ ചൂട് 50 ഡിഗ്രിക്ക് മേലെയാണെന്ന് മഹാനടനെ പറഞ്ഞുമനസ്സിലാക്കിയപ്പോൾ കിട്ടിയ മറുപടി ഇങ്ങനെ, "എന്ത് ചൂടായാലും തണുപ്പായാലും ആറ് മാസം വരെ അതിനകത്ത് കിടക്കുവാൻ ഞാൻ തയ്യാർ, പക്ഷെ എന്റെ മോഹം പൂവണിയണം".

ശാന്തമായി ഭക്തർ സന്ദർശിച്ചിരുന്ന ശബരിമലയിലേക്ക് വിഷം ചീറ്റിയ രാഷ്ട്രീയപാർട്ടികളുടെ അജണ്ടകളെ തകിടം മറിക്കുന്നതായിരിക്കണം അടുത്ത തിരഞ്ഞെടുപ്പിന്റെ വിധി. മകൻ മരിച്ചാലും വേണ്ടില്ല മരുമകളുടെ കണ്ണുനീർ കാണണം, അല്ലെങ്കിൽ ഭർത്താവ് മരിച്ചാലും വേണ്ടീല്ല അമ്മായി അമ്മയുടെ കണ്ണുനീർ കാണണം എന്ന ചിന്താഗതിയുള്ളവർ രാജ്യം ഭരിക്കുമ്പോൾ ഇവിടെ പ്രളയമല്ല, പശ്ചിമഘട്ടമലകൾ മുഴുവനും അഗ്നിപർവ്വതങ്ങളായാലും ഞെട്ടേണ്ടതില്ല.

എന്നും എപ്പോഴും ഭരണാധികാരികളെ തിരഞ്ഞെടുക്കുമ്പോൾ സൂക്ഷ്മത പുലർത്തേണ്ടത് അത്യവശ്യമാണ്. അല്ലെങ്കിൽ നിങ്ങളുടെ വിലപ്പെട്ട തീരുമാനം ഒരു സമൂഹത്തെ മൊത്തം ഇല്ലാതാക്കിയാൽ അതിൽ അത്ഭുതപ്പെടേണ്ടതില്ല.

2019 ലോക്സഭാ സ്ഥാനാർത്ഥികളെ നിശ്ചയിക്കുമ്പോഴും അവർക്ക് വോട്ട് നൽകുമ്പോഴും നല്ലവണ്ണം ആലോചിച്ചും ചിന്തിച്ചും തീരുമാനങ്ങൾ എടുക്കണം എന്ന് ഇന്ത്യ മഹാരാജ്യത്തിനായി അഭ്യർത്ഥിച്ചുകൊണ്ട്,

പോളിറ്റ്ബ്യുറോ മെമ്പർ സഖാവ് ദാസനും ഹൈക്കമാന്റിന്റെ വീട്ടുപടിക്കൽ നിന്നും പാവം വിജയനും