ന്യൂഡല്ഹി: ഇന്ത്യന് മെഡിക്കല് അസോസിയേഷന്റെ ആജീവനാന്ത സേവനത്തിനുള്ള ദേശീയ അവാര്ഡ് ഡോ. റോയി ഏബ്രഹാം കള്ളിവയലിലിന്.
രാജ്യത്തെ ഏറ്റവും മികച്ച സേവനങ്ങള്ക്കുള്ള 2019-20 വര്ഷത്തെ പ്രസിഡന്റിന്റെ അവാര്ഡിനാണ് ഡോ. റോയി അര്ഹനായതെന്ന് ഐഎംഎ ദേശീയ പ്രസിഡന്റ് ഡോ. രാജന് ശര്മ, സെക്രട്ടറി ജനറല് ഡോ. ആര്.വി. അശോകന് എന്നിവര് അറിയിച്ചു. വെള്ളിയാഴ്ച ഉച്ചകഴിഞ്ഞ് മൂന്നിന് വീഡിയോ കോ ണ്ഫറന്സിലൂടെ നടക്കുന്ന ദേശീയ പുരസ്കാര സമര്പ്പണ യോഗത്തില് അവാര്ഡ് സമ്മാനിക്കും.
ലോക സൈക്യാട്രിക് അസോസിയേഷന്റെ ആഗോള സെക്രട്ടറി ജനറലാണ് ഡോ. റോയി കള്ളിവയലില്. തിരുവല്ല പുഷ്പഗിരി മെഡിക്കല് കോളജ് സെക്യാട്രി വിഭാഗം മേധാവിയായ ഇദ്ദേഹം, നേരത്തെ കൊച്ചി സഹകരണ മെഡിക്കല് കോളജ് പ്രിന്സിപ്പലും കോട്ടയം മെഡിക്കല് കോളജ് സൈക്യാട്രിക് വിഭാഗം മേധാവിയുമായിരുന്നു. കേരള സര്ക്കാരിന്റെ ബെസ്റ്റ് ഡോക്ടര് അവാര്ഡ്, സൈക്യാട്രിയില് സമഗ്ര സംഭാവനയ്ക്കുള്ള ഐഎംഎ ദേശീയ അവാര്ഡ് എന്നിവ അടക്കം നിരവധി ദേശീയ, അന്തര്ദേശീയ പുരസ്കാരങ്ങള് നേടിയിട്ടുണ്ട്.
പാലാ വിളക്കുമാടം കള്ളിവയലില് പരേതരായ കെ.എ. ഏബ്രഹാമിന്റെയും അമ്മിണിയുടെയും മകനാണ്. ലൂസി റോയി ആണ് ഭാര്യ. ഡോ. ഏബ്രഹാം റോയി (തൃശൂര്), ശാലിനി സന്ദീപ് (മുംബൈ) എന്നിവരാണു മക്കള്.