New Update
മുംബൈ: കഞ്ചാവുമായി പിടിയിലായ ഹാസ്യതാരം ഭാര്തി സിംഗിനെ ജുഡീഷല് കസ്റ്റഡിയില് വിട്ടു. മുംബൈ കോടതിയാണ് ഭാര്തി സിംഗിനെയും ഭര്ത്താവ് ഹര്ഷ് ലിംബാച്ചിയായെയും ജുഡീഷല് കസ്റ്റഡിയില് വിട്ടത്.
ശനിയാഴ്ച ഇവരുടെ വീട്ടില്നിന്നും കഞ്ചാവ് കണ്ടെത്തിയതിനു പിന്നാലെ നാര്കോട്ടിക്സ് കണ്ട്രോള് ബ്യൂറോ (എന്സിബി) ആണ് ഇരുവരെയും അറസ്റ്റ് ചെയ്തത്.
ചോദ്യം ചെയ്യലിനൊടുവിലാണ് ഭാര്തി സിംഗിന്റെ അറസ്റ്റ് രേഖപ്പെടുത്തിയത്. ചോദ്യം ചെയ്യലില് മയക്കുമരുന്ന് ഉപയോഗിച്ചിരുന്നതായി ഇവര് സമ്മതിച്ചിരുന്നു. ഭാര്തിയും ഭര്ത്താവ് ലിംബാച്ചിയായും മയക്കുമരുന്ന് ഉപയോഗിക്കുന്നുവെന്ന വിവരം ലഭിച്ചതിനെ തുടര്ന്ന് ശനിയാഴ്ച എന്സിബി ഇവരുടെ വീട്ടില് റെയ്ഡ് നടത്തിയത്.