തിരുവനന്തപുരം: കേള്വി തീരെ ഇല്ലാത്തവര്ക്ക് ഇനി സര്ക്കാര് ജോലിയില്ല എന്നത് അടിസ്ഥാനരഹിതമായ വാര്ത്തയാണെന്ന് ആരോഗ്യ സാമൂഹ്യനീതി വകുപ്പ് മന്ത്രി കെ കെ ശൈലജ . സര്ക്കാര് ഇങ്ങനെയൊരു തീരുമാനം എടുത്തിട്ടില്ല.
വിദഗ്ധ സമിതിയുടെ നിര്ദേശ പ്രകാരമാണ് ഭിന്നശേഷിക്കാര്ക്കായി നീക്കിവച്ച 4 ശതമാനം സംവരണത്തിലെ 49 തസ്തികകള് നിശ്ചയിച്ചത്. ഈ 49 തസ്തികകളില് പൂര്ണമായ കേള്വി ഇല്ലാത്തവര്ക്ക് ഇല്ലെന്നു കരുതി മറ്റനേകം തസ്തികകള് അവര്ക്കായുണ്ട്. ഈയൊരു ഒറ്റ നോട്ടിഫിക്കേഷന് വച്ച് കേള്വി തീരെ ഇല്ലാത്തവര്ക്ക് ഭിന്നശേഷി സംവരണം ഇല്ലെന്ന് പറയുന്നത് അടിസ്ഥാന രഹിതമാണെന്നും ആരോഗ്യമന്ത്രി.
പുതിയ ഭിന്നശേഷി അവകാശ നിയമം 2016 അനുസരിച്ച് ഓരോ തസ്തികയും അനുയോജ്യമാണോയെന്ന് പരിശോധിക്കുന്നത് സര്ക്കാര് നിയോഗിച്ച വിദഗ്ധ സമിതിയാണ്. ഓരോ ജോലിയുടെയും ജോബ് റിക്വയര്മെന്റ് അനുസരിച്ച് വിദഗ്ധ ഡോക്ടര്മാരുടെ സംഘം ശാസ്ത്രീയമായി വിലയിരുത്തിയാണ് അനുയോജ്യമാണോയെന്ന് കണ്ടെത്തുന്നത്.